張致恆（Steven）婚前被爆一腳踏五船，婚後又遭債主臨門追數，人生波折重重。慶幸一家人仍能堅強面對，早前Steven努力北上登台搵真銀，決心重新做人！
臨近中秋節，Steven已返港與家人團聚，昨日在IG上載與太太歐燕雯（雯雯）和兩子的大合照，原來是跟雯雯結婚兩周年紀念，他們沒有大肆慶祝，只帶小朋友落公園玩，和在家中食飯，簡簡單單，但一家人笑容滿面，感覺超溫馨有愛。
Steven留言鼓勵自己，即使面對逆境也會捱過去：「嘩！咁快就結婚兩周年啦，個仔第一次去公園同其他小朋友交流，唔知係咪喺屋企困得太來，佢好似一條龍咁樣，跑足一個鐘唔停，我爭啲斷氣咁滯，但係好感恩呢個家庭令我成長，雖然前面嘅路好難行，但係好鍾意一句歌詞『一雙手只要握成拳頭能捱下去』，就算幾難行只要望住老婆同兩個仔我都會努力，努力邁向第三年，我愛你老婆！」
