ViuTV下周二（24日）推出全新節目《晚吹—戀講嘢》，組合ERROR成員郭嘉駿（193）、鄭伊琪（浩南）、譚凱倫（Helen）及郭奕芯一同擔任主持，每集嘉賓將會到錄影現場親身講述自己的感情問題，亮相與否由她們自己決定，他們需自備一件與自己事件相關的物品，於錄影當天的「戀擺嘢」環節交給主持放上架上，並會一直存放至尾集。第一集內容圍繞「A0」，意思是從來未拍拖，節目組請來兩位「A0」女生嘉賓，分享她們與男性的相處方式，四位主持拆解單身的原因，齊齊諗辦法「出pool」。郭奕芯分享自己「A0」時的感受 : 「中學嘅時候，最好嘅朋友拍拖，男朋友日日接返學放學，覺得好犀利，咁sweet，佢喺中二、中三已經發展到有性行為。我當時覺得好有趣，呢個境界，真係唔知我幾時先會體會到。」
其中一位女嘉賓談到自己主動追男仔的經歷，Helen表示自己每次做主動都溝唔到仔，浩南亦說：「我有做主動，多數都成功一齊嘅，但係主動嘅時候，得出嚟嘅結果，唔係自己想要咁。」193 就表示：「太主動嘅女仔，我會覺得對方好似對好多男仔都係咁，試過好多次，好多經驗咁。我會鍾意自己做主動，我鍾意女仔扮被動，暗示啲嘢，俾signal我，等我知道對方對自己都有好感。」193其後更與女嘉賓示範壁咚情節，模仿女嘉賓與其他男生交往的情節，惹得全場尖叫。
