吳卓羲（Ron）與張曦雯（Kelly）早前被指因合作《璀璨之城》而撻著，更被揭藉愛貓傳情。昨日這對緋聞男女一同現身活動，問起感情狀況時，Ron被問到一額汗，男仔頭性格的Kelly則尷尬怕醜，但兩人都未有否認戀情。
吳卓羲（Ron）、張曦雯（Kelly）、張智霖（Chilam）、高海寧（高Ling）等一眾演員，昨日齊出席新劇《璀璨之城》宣傳活動，傳緋聞的Ron與Kelly被問及感情狀況時，Ron即一額汗，「男仔頭」的Kelly則尷尬怕醜，但兩人都未有否認戀情。被問到是否拍拖？Ron著大家先睇劇，並指劇中二人相愛。問現實中是否也相愛？他則稱：「大家都好照顧大家，會一齊食飯傾劇本。（單獨約？）未敢，但想㗎！」Ron又希望大家給予空間。對於被指因劇集擦出火花？他指劇中有火花，現實中則稱不答私人問題，並笑言：「大家睇套劇、投入角色情緒先，套劇反應好時，我再話你知！」
至於被指收養愛貓「冬菇」而傳情，Kelly更抱貓宣示主權，Ron笑言家中愛貓都是車仔麵名，但就無「冬菇」，Kelly則笑言：「貓係我養，主權當然在我手上。（冬菇有冇Daddy？）依家我係單親媽媽，佢未有爸爸。Ron最近搞寵物食品生意，都有請我食，請我隻貓食，哈哈！」Ron直認最近學習做生意，已學整寵物食品並取得證書。問到兩人是否好投契？Ron坦言驚喜，和Kelly比想像中更夾；至於Kelly準備好迎接新戀情？她甜笑稱：「都Okay！」Ron同樣稱隨時準備好，問到Kelly的優點？他大讚：「溫柔、大方、靚、心地好、做戲專業又有愛心，完美到極點！」
Chilam撐兒子追音樂夢
同場的Chilam劇中與吳卓羲演兄弟、針鋒相對，高Ling則演其太太，但她同時與吳卓羲都有感情線。談到今次演反派、對高Ling有激烈行為，Chilam指只是一小部分，當中更有不少精神上的折磨；至於台上Chilam爆吳卓羲角色好色？高Ling笑他「五十步笑百步」，Chilam自爆今次與陳曉華、陳瀅都有親密戲份，笑言是夢寐以求。此外，Chilam與高Ling都對Ron和Kelly的戀情感好奇，問拍攝時可有跡象？Chilam稱投入劇本沒留意，笑言高Ling的角色好慘、是黑白色和灰色，所以沒留意張曦雯是否粉紅色。問吳卓羲可有請教結婚好處？Chilam笑言：「唔使問啦，我係人辦！」對於有指兒子張慕童選擇休學繼續音樂工作，太太袁詠儀無奈接受，Chilam澄清與太太沒有矛盾，是彼此尊重，會支持兒子追求夢想。
