羅樂林獲傑出員工獎 林淑敏：睺住五舊水

羅樂林昨日獲TVB頒傑出員工獎，「龍家大小姐」林淑敏、「送水輝」許家傑、「二太」蘇恩磁、「三太」樊亦敏、Joe少何晉樂出席撐場。蘇恩磁說：「識咗50幾年，真係冇揸流攤！」大小姐笑言：「提名佢嗰個一定係睺住嗰五舊水。」送水輝就激讚羅樂林工作認真：「佢劇本寫滿notes，冇遲到。」而三太亦大讚他實至名歸。

講到大龍生和大小姐生日如何慶祝，大小姐表示想一齊約食飯。談到各人近況，三太透露：「拍完《驅魔速遞》，掹車邊做賀年節目主持，學吓嘢。」大小姐表示：「拍廣告、馬拉松、跟何晉樂學唱歌。」何晉樂說：「裝備自己，做自媒體、AI、教唱歌。大小姐教做戲、我教唱歌！」而送水輝就透露會同大小姐一齊跑馬拉松。