大家有冇追亞運？「老友，呢排興AI短劇，我嘅年齡群最愛穿越劇，點得閒留意中國必贏的盛會呢？愛國不變，我反而撐第二日舉辦嘅機械人奧運。」
日本表現不似預期，不過，乒乓波男團就打破六十年金牌荒，一舉拿下中國，舉國歡騰。「係，不過冇幾耐日本老牌調查類雜誌《周刊文春》爆料，名將張本智和私下頻繁透過社交平台及交友軟體，搭訕年輕女性與女主播云云。」人不風流枉少年，何況運動員？我叫你一聲大佬，咁保守，你返屋企睇AI短劇啦，知唔知，張本曲線證明自己絕無靠食藥，一個打幾個，你估奧運「紫面兵團」游完水就乜都做唔到咩？
「無錯，錯在日本雜誌太過分啦，把一位年輕力壯的好男兒抹黑成渣男，完全政治不正確。」點解？你上網一點，亞運期間，好多張本兄妹萌達達的人性化、有溫度、親切畫面流出，留言一大串附和讚美，「妹妹哥哥好有家教，好有禮貌」，「大家要支持」……點都好，就當水軍做大外宣，人家一片苦心，一篇垃圾狗仔調查報道，直接打擊成個日本乒壇形象，何苦呢，佢唔係打家劫舍，又唔係濫藥。
想當年1964年東京奧運，日本大放異彩，為亞洲爭光，日本工業科技猛然抬頭，在座各位都沾過日本的光，分享過日本娛樂的貢獻。不過，最抵死係外國網民留言︰「一個國際大型運動會，買飛入場者，總係集體被逼聽中國國歌！」
真係關公都有對頭人，吓哇？