目黑蓮方燦型爆睇騷 山下智久Momo鬥搶鏡

米蘭時裝周2027春夏系列日前展開，日本人氣組合Snow Man成員目黑蓮，前日以Fendi品牌大使身份出席時裝騷，昨日已急返日本。他在米蘭期間以英語接受訪問，表達得十分流利；與他同場的還有韓團Stray Kids成員方燦、TWICE成員Mina、內地演員孟子義、檀健次等人。

此外，韓團TWICE日籍成員Momo、日本男星山下智久、磯村勇斗、台灣女星王淨、泰國演員Gulf Kanawut、Baifern、韓星金載原等昨日同場睇騷。向來以性感造型亮相的Momo，今次從出發前的機場穿搭到時裝騷現場，都改走復古優雅路線。昨日，她穿上藍、黃色交織的格仔紋西裝及迷你百摺裙套裝，配搭橙色荷葉邊格仔恤衫，再配上一雙毛絨長靴，獲fans大讚漂亮。王淨特別走去跟山下智久打招呼，之後顯得十分興奮，她亦在網上分享有關片段，她受訪時亦提到最想遇到山下智久，並已學定日語跟對方打招呼。少女時代成員潤娥則現身另一場米蘭時裝騷。