文：娛樂組
TVB戀愛真人騷《女神配對計劃2》熱爆全城，五大女神何沛珈（Roxanne）、俞可程（Kanis）、阮嘉敏（Mandy）、陳若思（Amber）及郭珮文（Juliana）於本周日（20日）播出的第三集將撳燈挑選心水求愛勇者，網傳「混血爆肌冷氣仔」Oscar（方智弘）出局，而昨日製作組率先發布，Oscar在第三集中向女神自爆個性「陽光、搞笑、Emo（情緒化）」，引發女神及花生團猶豫「Emo」的定義，俞可程向Oscar狂發問，即被家姐急煞停。
今集焦點是有傳出局的Oscar，不過製作組昨日發布的搶先睇資料，見Oscar今集靚仔現身，即獲花生團大讚有型、大隻兼靚仔，而期間Oscar向女神自我介紹「陽光、搞笑、Emo」，當中的「Emo」一詞卻引發女神及花生團高度關注及猶豫，不過Oscar外表及氣質始終吸引女神的好感，俞可程對他大有興趣而向他狂發問，嚇得她家姐急致電「煞停」，表示擔心：「佢講過佢係會內耗嘅人，你都係好內耗嘅人，所以我就有啲擔心！」此外，何沛珈也單刀直入向Oscar深入了解「Emo」的定義，最終Oscar僅獲兩女神撳燈支持，未能通過三燈保險線，能否留低的關鍵，取決於他能否與心儀女神心意相通。
第一季勇者回歸惹爭議
至於上集結尾預告本集將有第一季的求愛勇者「回歸」，即引起網民揣測，昨日製作組率先披露該勇者正是首季未能與心儀女神關嘉敏配對成功的Matthew（黃家俊）。Matthew捲土重來，不過今季五位女神均抱觀望態度，俞可程斬釘截鐵問：「點解今季再嚟參加？」陳若思亦對他回歸有保留，懷疑他是否想曝光？Matthew就透露今季想揀不是「大情大性」的人，此言一出又惹花生團不滿他不尊重女神。
