黃秉華
有權威調查顯示，全球「快樂養老」的國家可能是中國。何解？數據如下︰全球主要經濟體當中，養老成本低於30萬美元，包括巴西（26.8萬美元）、中國（27.9萬美元）、哥倫比亞（27.9萬美元）、俄羅斯（28.1萬美元）、馬來西亞（29.2萬美元）及越南（29.5萬美元）。國際通常把60歲以上的人口列為「養老年齡」，如果你是這個社群，就要注意囉。
中國養老成本不是最低，但須知道中國從城市到鄉鎮，近年居住水平很有進步，儘管中國年輕人搵工的確艱難，碩士生都要當快遞、外賣騎車云云，不過，你到中國是養老兼躺平的話，又無乜相干。
以大灣區為例，二、三線城鎮，一餐豬腳飯都不超過20元人仔，一碗正宗蘭州拉麵是15元左右，自己動手，連買菜煮飯，更加相宜，住屋租金只要不選在廣州、深圳的話，中山、珠海一般三房租金亦不過3000元，當你夫妻二人退休，手頭有300萬元人仔，咁都幾好使啦，兩個加埋一年使費7、8萬人仔，你話係咪幾好？
本次統計中，美國以74萬美元養老成本位列全球第五高，最貴係新加坡，預計110萬美元，冰島、瑞士、盧森堡分別位列亞季殿。香港人心儀的英語地區——加拿大養老成本為60萬美元、澳洲為62萬美元、英國63萬美元，如果你現在手上有一層市區細單位，放得出都會有1000萬港元，兩個人生活，唔使做都OK啦。當然，內地城市唔係人人啱嘅，有條件的話，自己揀啦。