文：鍾舜英 圖：羅安強
剛度過54歲生日的鄭秀文（Sammi）昨晚出席活動，提到今年生日正日撞正老公許志安（安仔）的舊曆生日，Sammi開心表示兩人只是食茶餐廳慶祝，更指日日相處開心就OK，又大讚將在10月開騷的安仔現在狀態非常好，「點敢唔努力呀佢？喺佢嘅立場，除咗演出機會好珍惜之外，會加倍用心！」
Sammi透露今年生日與老公安仔的舊曆生日同日，但沒特別慶祝，只去食茶餐廳，更撞到尹光夫婦，由於大家都有重要演出，要keep住狀態，因此未能飲酒：「唔緊要啦，日日相處開心就OK，安仔都好享受茶餐廳食嘢嘅温馨！」提到生日後公布演唱會新的舉行日期，Sammi就指是作為送給粉絲的禮物，認為可以再於星期五、六、日開騷，對歌迷來說是好事，激讚公司團隊貼心考量，不過她又坦言因相隔一年，都怕粉絲們遺失門票，會拍片叫大家好好保管門票：「如果個檔期得兩個月，就驚粉絲安排唔切，因為可能要重新訂機票及其他嘢。（係咪心目中最好嘅日子？）我排練好晒㗎喇，到時要重新操身形，但都好有意義。」至於屆時會請哪位嘉賓？Sammi笑言還未想好，要明年5月再考慮，但特別要多謝劉德華及黃子華，她指子華之前做完嘉賓後，兩人有一起食飯傾偈，問到是否傾拍戲？Sammi就表示：「乜都有傾！」暫時未有合作，不過若有適合劇本都不會拒絕。
Sammi又指最近好忙，透露稍後將為歌迷舉行黑膠碟「簽名會」：「我預咗成個下晝、買埋飯盒，個屎忽貼住張櫈喺度，盡量簽到幾多得幾多啦。（同Anson Lo一樣簽通宵？）吓！冇咁誇張。我啲粉絲年紀大，要返屋企湊仔，呢啲嘢留返俾後生做，我都係可以夜，通宵唔掂！」Sammi又指中秋因工作關係應不會在港，笑言要提早買定豆沙月餅給媽媽，又笑指自己喜歡食月餅皮，內餡就會掟曬給老公食，更透露安仔10月的演唱會操得非常好：「體型、體能都好努力，個騷已有歌單，我有偷睇，作為觀眾，睇完都會『嘩』，覺得好好！」又指安仔會加倍努力：「點敢唔努力呀佢？喺佢嘅立場，除咗演出機會好珍惜之外，會加倍用心！」
Marf恨情侶檔演舞台劇
同場的邱彥筒（Marf）與男友林家𤋮前後腳到場，未有一起接受訪問，Marf指兩人未試過一起受訪，但有機會都想跟男友一起做舞台劇，想看看大家在工作相處時是怎樣。此外，近日魏浚笙（Jeffrey）找了多位歌手拍片唱他的新歌《已出之物》，他開心表示自己細細個便聽他們的歌：「今次聽到他們唱我這首歌真的很開心。（最想找那位歌手合作？）很想邀請到張學友及陳奕迅，但真的不夠膽邀請！」
