今期《東周刊》獨家爆商台DJ黃正宜（阿正）年賺500萬升呢「廣播道富婆」，月租7萬進駐傳統豪宅區加多利山，與天王劉德華、天后陳慧琳等巨星成為星級鄰居。阿正昨日向《星島頭條》承認現時租住加多利山，笑言做「富婆」要搵多兩個「0」再講。
對於升呢「廣播道富婆」，阿正笑言感到尷尬：「真心的，多兩個0先好講！依家我覺得我有少少尷尬，首先個租一定冇咁貴，其次就係都唔係大家講得咁誇張，都係俾心機做嘢。但我好surprise呢個年代竟然都仲有人會影到我返屋企，有少少失望係兩次都係得我自己一個返屋企，形單隻影嘅感覺好強烈。」阿正直言想快找到Mr.Right，感激大家落力為她報道及關心，希望下次有「實體嘢」讓大家再關心她多點。
對於被爆年賺500萬，阿正表示不清楚收入，糧單由經理人處理，自己現時過得開心已感恩，知道有工作並非必然。提到出門有兩名助手傍實，極有排場，阿正解釋一位是經理人，另一位是化妝師，是正常的工作團隊，沒這兩人，自己不能去開工。
講到投資過百萬在西營盤開咖啡店，阿正表示首次開舖，原來投資大，慶幸已過了三年多仍然生意不錯，更打算在九龍開分店：「你哋都話我住嗰頭嘛，梗係方便啲自己去，費事過海好貴！」她亦指在九龍開舖也方便返商台，但現時搵舖好難，因九龍城等多地在重建，舖位大減，若物色到一定開分店。
文：霍淇
