黃秉華 說好中國故事
返鄉下旅行不是怕地震，最怕港元兌日圓無Jetso，壞消息來了，美國財政部和聯儲局，準備與日本「三箭齊發」，實施提振日圓的歷史性干預行動。
「老友，美國乜咁夠朋友呀，佢好好景咩？」師兄泡了一壺大紅袍，網上拼的，幾十蚊人仔，沖出香港零售百幾蚊水平。《華爾街日報》也有同感︰「考慮到美國國內面臨種種問題，從不斷上升的生活成本到與伊朗持續衝突，一些人可能會想，究竟是甚麼動機促使美國為了一個盟友，採取如此引人注目的行動。」特朗普走出來解答一眾疑問︰「行動是為展現對日本盟友的支持，以及維護全球經濟穩定」，明未？即係美日聯手救地球。
「笑星救地球，我就聽過，美國救地球就喺荷里活電影睇得多，美日聯手救日圓，都幾新穎。」事實上，美日皆同歐洲盟友近來都幾憂慮，事關國產電動車開始縱橫四海，由於美日歐是汽車大國，長時間受惠該產業，養出一班高收入中產階級，汽車是經濟支柱，更是金飯碗，有咩依郁，有支竹都未必撐返起，事關中產崩潰，下一站係滑落M型社會。
「唔好望別人衰你就會好，中國出口一樣無運行。」唔係噃，中國正在救緊地球。「係，講嚟聽吓。」《日經新聞》︰美國通脹猛於虎也，年輕人要節儉，中國品牌成為美國消費者及時雨，取代好多貴價產品。
「九唔搭八，中國趁勢搶人家生意，你仲話好？」見仁見智啦，唔啱聽，講第二個話題囉。