朱敏瀚（朱仔）與陳曉華（Hera）被指因合作《迷網》而撻著，二人被揭戀情後，更曾被拍到同遊日本及拍拖睇騷，狀甚甜蜜，但雙方就從未親口認愛。不過朱仔昨日到中環宣傳劇集時，被問到緋聞女友Hera，竟將對方「降呢」成同事，更坦言自己已單身一段時間。文：霍淇 圖：林賓尼
朱仔與郭柏妍、馬國明、劉穎鏇、鍾柔美、張馳豪等，昨日到中環碼頭宣傳劇集《飛常日誌II》，適逢父親節，鍾柔美現場演唱陳奕迅的《單車》祝所有爸爸父親節快樂，而「魔音」郭柏妍就領唱生日歌及送上生日蛋糕，為前日28歲生日的吳偉豪慶祝。
朱仔在劇中飾演「Captain K」被網民大讚好Cool又有型，他坦言自己都很喜歡這個角色，問女友Hera有否睇劇時？他表示不清楚，又指與女方沒有聯絡，問兩人是否已分手？朱仔說：「我單身了一段日子，但成件事是正面的，這段時間更加清楚我身邊好多人錫我，我年頭跛腳，好快要做手術，跟住我班朋友要我做完手術差唔多一個禮拜之後已經即刻捉我去訓練，跟住好快玩HYROX，成件事我都係好猛烈嘅一個狀態，就算依家我們開劇，開劇個狀態都好猛烈，所以呢個過程都係好正面！」
唔介意幕前合作
被問到單身多久？朱仔稱已一段時間；追問年頭傷腳的時候是否已單身？他避談只表示「一段時間」。問到與Hera是否仍然是朋友？他則表示：「冇聯絡喇！」至於會否覺得可惜？朱仔表示涉及其他人的事不說，但最緊要是大家都開心、健康、幸福及工作順利。問公司安排兩人合作會否接受？朱仔說：「接受，做嘢OK呀！我哋可以公事上合作，私下就冇聯絡，但成件事正面的，大家放心唔好咁驚訝。」再追問兩人的關係，他則表示與郭柏妍一樣是「同事」。
同場的郭柏妍與朱仔是師徒關係，她指戲內、戲外都建立信任，亦多謝朱仔經常提點。提到郭柏妍的演出獲觀眾大讚，她坦言平日都會看留言，但很多時越看越負面，不過今次得到觀眾稱讚所以好開心，亦增添了自信。
