有一種荒謬，直教老將軍在節目談起時，都忍不住笑場。將軍現為時事評論員帥化民。怎樣了？即使是一名軍人，半生戎馬，都知道做生意最緊要係「性價比」，尤其這個科技膨脹、互聯網為王的新時代，「性價比」越高銷售越好，咁又點呢？特朗普政府最新對中國民營公司制裁的理由，竟然包括電動車、民生服務的，都加一項原罪，名曰「涉軍工企業」。將軍笑了是因為「早前說中國產能過剩」，現在再加一頂「軍工」帽子，「你不覺是荒謬嗎？」
旁邊有一隻包拗頸的「鶴」，即係我師兄，一本正經反問︰「乜嘢性價比高就大晒，我老闆的太座和千金專買的意大利、法國包包，售價幾十萬元起，你又唔見差人拉？」又關差人事？「世侄，你唔明白老人心理嘞，如果你好似帥將軍咁大年紀，就明白睇穿世界嘅感受。」資料補充，帥化民83歲，從軍從政資歷豐富。
包拗頸師兄又唔錯得晒，歐洲奢華品牌不是鬥性價比，是標榜「稀缺價值」，例如歐洲皇族皇室專用。
「你呀，全世界有哪些國家，仲有王孫貴族還活在今天，所以咪珍貴囉。」明白，於是我都要來說兩句。
老人家表示同意︰「中國科技創新後來居上，性價比高，銷售海外就造成侵蝕當地市場，打擊他國工業的負面影響。」師兄加多句︰「敗人買賣猶如殺人父母。」真係大罪，但我想講，以前歐洲奢華品牌、美國高科技，賣到鬼咁貴，點解冇人出聲？