文：霍淇 圖：林賓尼
MIRROR成員柳應廷（Jer）前晚在亞博開騷，請來隊友呂爵安（Edan）做嘉賓，Edan指當初是自己叫Jer入MIRROR，所以自己地位比花姐更高，又指當初拉Jer入團、最重要是因他加入後，無論跳舞及外貌，都會有人墊底。
一連兩場的柳應廷「The Shade of Breathing Live 2026」前晚在亞博舉行，吳君如、林熙蕾、陳柏宇、黃妍等圈中人齊齊捧場。Jer以《跌在地上的怪獸》為演唱會揭開序幕，在唱到《吃腐肉的鷹》時，Jer更high爆跳落台與觀眾作近距離接觸。當唱完《沒終點的青春》後，Jer表示：「話咁快7年幾8年，時間真係過得好快！」之後他又謂人生在愛情、朋友或家人中都會遇到很多遺憾，但每個片段和經歷都是能讓自己成長的鍛煉。
「你哋全部人要多謝我」
這晚演唱會上除了邀請了Moon Tang做嘉賓外，更請來隊友Edan上台互窒，Edan在演唱會尾聲登場，與Jer合唱《大海少年》，唱完後Edan以「傻闌」形容Jer，又謂來做嘉賓是零壓力：「有時我會驚，有啲觀眾會唔會唔想見到我，你知我哋啲最大haters就係啲隊友嘅……」全場爆笑，不過他坦言有信心站在這裏，因為當初是自己找Jer加入MIRROR：「冇Edan就冇阿Jer！你哋全部人要多謝我，即係除咗佢阿爸阿媽，下一個就係我，花姐都未到！」
Edan又笑指當初叫Jer入MIRROR，最重要是因他加入後、無論跳舞及外貌，都會有人墊自己底，Jer聽到後即起飛腳踢Edan，Edan即指是「講笑」，又表示這些年見證Jer在音樂路上的努力，希望他以後可以繼續專心唱歌和做喜歡做的事。Edan落台後，Jer就表示Edan陪著他走過開心和不開心的日子，所以很感激對方。
