胡孟青
近年網購盛行，街舖租金插水，除了兩餸三餸飯，夾公仔機舖成行成市。有見及此，民青局向立法會提交文件，指出夾公仔機及彈珠機含賭博成分，容易產生成癮風險，建議修訂《賭博條例》及《賭博規則》，改變現行發牌制度，對個別夾公仔機及彈珠機發出有獎娛樂遊戲牌照，加入防沉迷警示，甚至限制未成年人參與。現實是，若要擔心成癮，豈止於在夾公仔機或彈珠機，幾多成年人、退休人士、長者Loop手機、玩手遊、購物狂花錢、半夜煲劇等等，都可以失控沉迷成癮，豈是未成年人專利。
好懷疑，制訂政策與條例的官員們，難道都已不食人間煙火？一刀切斬腳趾避沙蟲，不做不錯，連思考規管都嫌煩，直接落閘簡單冇煩惱，禁電子煙，屬近年最典型案例。
參考鄰近地區的夾公仔機，例如，以電子告示牌明示，每夾五十次總會有次成功；有些地方會通過法例規管夾公仔機的操作，例如商家調校夾子鬆緊，也會被納入規管範圍。官員如能事前身體力行多考察周邊現實情況，政策制定上肯定更講究人性化。相信大部分真金白銀入錢夾公仔的朋友，都應該係為夾公仔而來，成功夾到心儀公仔的那份喜悅，情緒價值之高，豈能以筆墨形容。
問題係不少為人詬病的夾公仔機舖，隻夾究竟有冇力？抑或幾時才肯發力？根本無從稽考，欠透明度，更欠公平，難怪部分被斥形同詐騙，體驗差，投訴激增。唯斬釘截鐵將之直接納入博彩規管，亦明顯過分將事情簡單化，有欠人性化。