黃秉華
當先知準不準沒有關係，不準但錯到離譜，同樣是成就，不過，你需要有點墨水，例如讀得通《韓非子》。今天故事講美國的章家敦，最近被特朗普公開批判，有那麼嚴重嗎？當然有，《說難》提醒大家，在皇上近身工作，必須懂得「去其所恥，美其所驕」的要訣，你話，章大師難道不懂嗎？白宮全體成員都曉得「避開領導的短處，讚美皇上的長處」啦。但係，先知當了四分一世紀，可能會染上「國師脾氣」，用香港人話講︰「我係董驃，你唔係」，即是章家敦以為自己是基辛格，講到中國關係，你一定要聽。
不過，韓非教大家面對皇上，需要洞察力︰如果皇上想求名，你跟他說利，佢會覺得你卑鄙；皇上若要謀利，你跟佢講名，佢會嫌你迂腐。
特朗普心情最近唔多好，公開說︰「我聽了這個章家敦的說法，他根本不知道自己在說甚麼。」總統一心5月成行訪華之旅，威水威水，章先生就成日唱衰中國，可怒也！特朗普去年上任之前，章先生如是說︰「建議白宮上下包括總統，最緊要認識中國是美國的敵人。強烈建議特朗普任內不要去北京進行訪問。」嘩，講到咁盡嘅，你當自己係先知定係天師？雖然係去年的事，依家特朗普就怕有人把舊聞當新聞炒，北京一個唔高興，你估後果如何？奈何章家敦是民間專家，無得You’re fired！唯有出口收你檔，睇吓你仲有無面！同時，間接向北京表忠，用心良苦呀！