(黃秉華)
基辛格還是當教授，已經從越戰中看穿透世情，總結一句︰做美國敵人危險，做美國朋友是致命。此言不差，今日看來，做人難，做歐洲人更難，吓哇。
「老友，你點解唔係話中東的美國朋友，他們的日子不難嗎？」又是下午啡聚時刻，我的中環朋友近日無不成為時事評論員，事關四十幾天的海灣戰爭，令他們日日𥄫實天下形勢，又要分析和想像，所以一坐低就要交流。
「中東不難，海灣地區唔靠美國，係有中俄關係。」明解，中東有石油，中國梗係要撐海灣的正能量，至於俄羅斯，見到伊朗又封霍爾木茲，特朗普竟然要在海峽之上加多個「箍」，普京數銀紙數到手軟之餘，伊朗更加要與克宮加強聯繫，真係賺到笑。反觀歐洲，先前跟美國支援烏克蘭，再來一記親美反華的外交轉向，連稀土都受制於華，結果「求華得華」。
「歐洲今次真係致命，如果紅海被伊朗之友斷埋後路，真係要返去種番薯。」「中東是否決心唔做美國朋友？石油交易會否轉為人民幣？」嘩，你咁都敢講，殺頭噃。「美國已唔係小布殊時代，何德何能出兵幾十萬打中東戰爭。」
說著說著，一位中環名人行過，大家細細聲異口同聲咁話︰「呢位仁兄曾奔走相告，特朗普係商人，當國之後，有商有量，世界和平喎。咭咭咭……」
有乜好笑？特朗普之前行商，但當美國總統，點可以唔做好事。乜嘢好事？「用雷霆手段顯美國自由市場」，明未？