黃秉華
紙老虎，紙老虎是你叫的嗎？一下子，我在羅湖一星米芝蓮粵式點心酒樓，聽到最強一聲對伊朗戰爭的怒吼。唔係點心唔好食，也不是排隊入座排到大家躁狂。「定啲，買股嘅嘢，有升有跌，你識得上車，就預咗曉得點樣落車，你買中國科技經濟好好好，你好到幾時？一年定半載？這是關鍵。」
舅父是街坊「股神」（佢自己封的），睇到美國總統的新聞，無名火起三千丈，特朗普話︰「普京唔怕北約，北約係紙老虎而已。」事緣美國攻打伊朗，歐洲朋友無人肯幫手，連喊一聲「加油」的假口號都無一句，如是者，美國「孤立無援」。
舅父睇好一眾中國經濟科技股，睇準會升到華爾街「七姊妹」（七大美國科技公司）咁勁，點知特朗普不是打貿易戰，說是打中東戰。舅父買重中國形勢股，尤其是科技企業，梗係望揸長，點知落咗重注，特朗普就嚟料，結果舅父就好似佢賭馬戰績一樣——和和果果。「話人紙老虎，佢面皮幾丈厚！」舅父其實想講的是：「大佬，你可唔可以講少幾句？」
美國係紙老虎？原文是毛澤東1946年在延安接受美國記者採訪，首次提出「一切反動派都是紙老虎」，美國有份而已，紙老虎並非美國專有名稱。明白，「飲啖龍井聚吓火，猶記取這句話」，毛主席教落︰「戰略上藐視一切貌似強大的敵人。」「咁，即係點？」
舅父，唔使見到特朗普就怕，中國形勢比人強，怕乜呢，吓哇。