唔怕被定型新一代「鬼后」 林千渟：咩類型戲都想試

林千渟早前與莫竣名（MCM）為ViuTV節目《入住請敲門V》分別入住馬來西亞及韓國傳聞鬧鬼地方，問到可會擔心被定型為新一代「鬼后」？林千渟笑言不會，自己不時都會睇網上靈探短片，反而會跟他們學習，每次到不同地方拍攝的經歷都有所不同，最大感受是跟團隊共同進退，建立默契。提到參與靈探節目變得大膽，男友是否也是大膽之人？她笑言跟自己相反，男友最驚去鬼屋，「明知出嚟嚇人係假，佢會驚！我反而唔驚，驚真嘅多啲。」

面對電影業不景氣，林千渟坦言想拍甚麼輪不到自己揀，而是任何類型的戲也想嘗試，每日都是磨練意志：「依家喺電影工業下，如果無意志好難行落去！所以每個角色都好想嘗試。」曾跟張繼聰學演戲的她，坦言對方不單止教演戲，從阿聰身上也學到做人，令她有所啟發：「我好鍾意聽佢分享講及價值觀，佢喺呢行打滾多年捱上去，有好多挫折或好嘅事情，但每個過程學到乜嘢或者對件事睇法。我以前係一個『死板』又負面，依家會同另一角度諗去享受件事，好想做人笑看人生，如果做到呢個境界，好多嘢都唔需要就係神級囉！」