黃秉華
美國介入伊朗得到了甚麼？答案是內外交征。美國國防部把人工智能企業Anthropic列為「供應鏈風險」，掀起一輪矽谷衝擊波，美國科技界立場被分化，其中，微軟選擇支持Anthropic起訴五角大樓。
事緣這家被稱為AI明日之星的先鋒公司，與五角大樓簽定軍工合作，Anthropic劃出兩處紅線：反對AI被用於對美國人作大規模監控，以及被部署到完全沒有人類參與的自主武器中。咁都得？你知白宮團隊在特朗普領導之下，有幾強勢啦，國防部長赫格塞思即時發出通牒，要求取消所有限制，聲言軍方將AI用於任何用途都「合法」，可是Anthropic拒絕「跪低」。
我其實想說的是，美軍今次與伊朗開戰，大量採取各種人工智能技術，大家都知AI用起上嚟，連自己都驚，有辦你睇，就是外號「龍蝦」OpenClaw普及推出，引起科技熱潮，大家憧憬裝上了「龍蝦」軟件，等於家中有了「多啦A夢」，從此乜嘢大小事務與工作，包括代你做功課、幫你炒股都無問題，神奇了吧。
軍用的Anthropic估計都好神奇，不過，當中的細節外人不可能知悉，但可以想像得到，美軍搜集情報、分析事態、預測結果的效率，必然幾何級數上升。
AI幾叻都係假，唔可以超越你老闆，這是定律！Anthropic就好似半桶水的玄學家，算得準人家的事，但未必可為自己指點迷津。人工智能只不過是機器，難道你要求智能機器都識得「擦鞋」？咁，赫格塞思咪無得撈咯，明未？