(黃秉華)
是日初七，我不是談「外星人」，而是智能機械人。特別聲明是指中國製造的。
大衛寶兒上世紀七十年代一首《Starman》，憑空想像出有外星人透過無線電，向地球年輕人傳播正能量，此曲為流行樂出彩之作。話說，東升西降，今年春晚闖出全新世代機械人，由四家中國科技公司合作參與演出，包括打功夫、與人共舞、角色扮演。全世界驚呼︰「咁仲得了的嗎？再玩落去，2027春晚，豈不是出現有感情、有演技的機械人嗎？」如此一說，「外星人」立變成好「老套」。
上世紀八十年代，荷里活的《星球大戰》炒熱機械人，可是真實版的機械人既低能又呆板，台灣小說作者張系國當時在美國伊利諾理工學院任教，對機械人發展不看好，你若果說機械人有一天登上舞台與真人做戲，佢可能窒你一句︰「搵機械人做《呆佬拜壽》呀？都唔得啦，拜託！」事實上，四十年前的學界也想不出打造出一台機械人會有啥用。
捷克劇作家Karel Capek最先想出了Robot這意念，百年前中譯為「萬國工人」，預設的地位不高，被當成工廠的自動化勞動力而已。
張系國說︰「機械人如果太像人，但對人用處不大的話，反而成為一種威脅。」無論如何，中國製造太超前了。點用？我唔知，總之有朝一日，如果跑出一台「Robot星爺」出來，又或者可以上台棟篤笑的「子華神機械人」，如是者，中國乜都賺唔到，唔緊要，可以換來中國軟實力優勢，已經不得了。