黃秉華
我加我加我加加加！
是否好似一個綜合節目的絕核名稱？你想多了，這是2025年的特朗普年度漢字，我選嘅，這是一個「加」字。朋友聚會被問到一條時事常識題︰美國去年加咗幾多次關稅？我即時O嘴。印象是很多很多，是美國總統有史以來的紀錄，最近被特朗普加徵25%重關稅是韓國，理由係韓國國會未能及時批准兩國間的貿易協定。
唔好笑，我指住一位加拿大回流的老同學，說︰「如果加拿大跟中國貿易Make Friends，咁就會被罰100%關稅。」說著說著，如果唔係AI資訊系統，邊個咁本事記得2025年的特朗普加徵關稅名單。
又有朋友更刁鑽的問我︰「你成日讀新聞，你知美國向全世界都加徵關稅，結果會怎麼辦？更高、更強、更健美乎？」無你咁好氣，講開AI，不如用手機問一下最就手的AI系統啦，唔好扮有知識啦，好唔好？
答案是「若對所有外國進口商品徵收全面關稅（如10%至20%），對美國而言是一把雙刃劍。預期影響包括：短期內大幅推高消費者物價導致高通膨，逼使國內升息；製造業因進口成本上升面臨挑戰，但可能刺激部分供應鏈回流；但可能會引發全球貿易報復，損害美國出口；財政收入增加，導致經濟可能面臨衰退風險。 」
特朗普係玩「周星馳遊戲」——跟你五十萬元，再大你一億元——再問你怕未，就係咁簡單。2025年是歐洲工業國噩夢，德國、法國尤其是被「卡脖子」！2026年邊個頂得順，邊個就係「賭聖」，明未？
