庸醫害人，往往影響一生，甚至是終結此生。
相信你總會試過，周身唔聚財，腰痛了很久，屢醫未癒，醫生只是開了止痛藥和消炎丸，然後叮囑你多點休息，早些睡覺。而你，也可能會邊搽薄荷膏，邊替自己找藉口：「或者我坐姿長期不正確，早輪又有大掃除，可能扭親條腰吧！」
你已經不是諱疾忌醫，但睇了幾次醫生都係咁痛，你開始尋求更進一步的檢查，照呢樣照那樣，才發現原來某個器官出了問題，才令你痛足咁耐。
好命的，還來得及治療。不好命的，到真正發現了所患何病，可惜已經病入膏肓，藥石無靈。
一名27歲的航空工程師Jessica，一直有明顯症狀，包括長期腹痛、持續咳嗽、淋巴結腫脹和體重急降，她睇了超過二十次全科醫生，都一直被誤診為新冠肺炎的後遺症。
可是六個醫生都沒有轉介她去睇任何專科，令病情一拖再拖，到最後確診時，竟已到了癌症末期。大好芳華，就在三星期後不幸離世。明明一早肯去求醫，始終挽救不了生命，這件事在英國引起很大迴響，引以為鑑，因而建立了一個以她命名的新制度（Jess’s Rule）。制度規定，當病人去睇了三次醫生，依然未有明確斷症時，醫生必須要做額外化驗或轉介專科，務求找出病因。
「你有乜嘢唔舒服……出去等攞藥啦！」香港不少醫生都如此敷衍診症，短短一分鐘也未跟病人有眼神接觸，便匆匆打發離開。願醫者都有父母心吧！