周三晚賽事，本欄貼士雖說不上龍穿鳳，起碼唔使褲穿窿。當朝小弟畀一隻「大浪圖田」，指出凡三級讓磅賽，一定要買巴度，因佢乃輕磅殺手，平時唔多出招，要搵食時才會真人露相，相當精準。
呢隻馬，幕後應該大豐收，因隔夜十倍，臨場竟然變大熱，信心十足，所有彩池冇佢冇錢收。
這系人馬，周三晚肯定肥到著唔到襪，大錢並非單單來自「大浪圖田」，而是頭場。
「牙擦簡」簡炳墀一對徒弟丁冠豪及徐雨石，夾手夾腳頭場爆出驚天大冷Q，派三千四百九十五元。除?佢兩丁友及幕後相關者，?的才會中到。布局犀利在「前衛火影」（四十一倍）及「歷險大將」（十倍）皆用冷門騎師執韁，邊個會信？
若果丁仔將四十一倍W射落「大浪圖田」所有彩池，真係一季都可以打跛腳?。
明日跑十一場，練馬師排陣有點特別，必須留意，正是有三個馬房場場有正選，出足十一場，必定有個局，包括文家良、告東尼及蔡約翰，當中尤其告仔，絕少會如此，故要優先研究佢旗下馬。
第一匹有機會為「超開心」，由上季七十分起步，不停輸呀輸，分就減呀減，已撻到四十四分，上場開始?料，剷入第三，冇加分，今次排六檔，再配艾兆禮，起筷格局。
第二匹為打王牌出戰的「爆出美麗」，跑?兩季仍未W，上季伍鵬志冇符，今季拉?畀告東尼練，已兩度入Q，遲早會交代，究竟是否這場？雖不中亦不遠矣。
第三匹為「八駿福昇」，排好檔，只要有決心，可以由頭放到尾，前仗入Q，就用呢個策略。
第四匹「亞機拉」，首配法國高手紀仁安，我貼佢將會出冷。
以上四隻，各買WP十蚊雞，共八十蚊，一齊嗌。
