胡孟青 股壇小辣椒的生活藝術
今時今日香港地，做生意真係要靠捉心理，乜都講性價比。香港向來係美食天堂，民以食為天，食客個個嘴刁，既要滿足舌尖，又要感動到味蕾。搞飲食早已成為一門吃力不討好的生意，稍有不慎，吃苦的還是自己，真係有苦自己知。
然而，生意幾難做都有人做，今時今日普通零售早已被網購打殘。快餐店薄利多銷，被鋪天蓋地的兩餸飯淹沒，消費者講求體驗，食物質素好，服務水平高，本來就是基本。又要店外有靚景打卡，店內打卡位更不可少，生意最好的都市文青打卡店，連食物擺盤顏色都要講究「Instagramable」，真係攞命！
有齊所有成功元素，猶如執藥，仍未能保證百分百成功，還要懂得經營，經營甚麼？經營小紅書。唯最終你會發現，無論坊間評論幾天花龍鳳，最信得過的還是自己的舌尖和味蕾，因為Tasting is Believing。
優質的食材，出色的烹調，自有好出品，食物係主角，風景係Bonus，配上好飯腳，三者兼得，是為完美。
位於澳洲悉尼Alfred Street的Cafe Sydney，舊海關大樓百年建築，面向悉尼海港大橋，城市天際線景觀堪稱無敵級數，稀缺感已勝一籌，坐在近窗邊或露台欣賞夕陽餘暉與夜景，嗒返杯CS Espresso Martini，真係好Chill，侍應服務親切有溫度，長期一位難求。更令人驚艷者，原來餐廳背後的經營者，正正是已在香港屹立十多年且多元化的餐飲集團Cafe Deco Group。
