痛失家園及至親
大埔宏福苑日前發生五級大火，居於宏健閣的單親媽媽范小姐情緒崩潰，提到自己用盡積蓄置業，如今家園被毀，更痛失契媽、契爺及同事，令她感到徬徨無助。「其實我用晒畢生積蓄去買呢層樓，我咁辛苦供完層樓，之後又要畀維修費，我已經無晒錢，你而家燒埋我間屋，我可以做啲咩呀？」
范小姐表示，事發時她正在醫院工作，得知消息後趕回家中，卻發現屋苑已被封鎖，火勢難以控制。她眼見火舌蔓延至其他樓宇，內心祈求不要有太多傷亡，可惜最終事與願違。
質疑火警鐘失效
范小姐亦提到，事發時屋苑的火警鐘並未響起，質疑警報系統失靈。「如果唔係有人逐家逐戶拍門叫人走，真係唔知火燭，有啲走到就走，有啲走唔到咁點呀？一火燭部𨋢就唔郁，你叫老人家點走？」她對此感到非常不滿及擔憂。
盼政府盡快安排重建
對於未來，范小姐表示可以暫住娘家或醫院宿舍，希望能騰出空間予其他有需要人士。她期望政府能夠盡快安排重建，讓災民能夠渡過難關。「不過屋企有啲重要物件，好似護照、出世紙、法律文件同樓契，但而家返唔到上去睇都無辦法啦。有咩打算？我都唔知 唯有睇下政府有咩安排，見步行步啦，我哋都無晒錢啦，仲可以點？」
