大埔宏福苑五級火是一場大火無情的血的教訓。一位大叔卻似乎無視火災風險，在後樓梯燒衣紙，被斥責時僅拋下一句「燒埋今日唔燒」，轉頭更加怒喝管理員，表明「唔好淋熄佢」。詳情見下圖及下文：
後樓梯燒衣勁猛火 大叔懶理旁人苦勸 揚言燒埋今日唔燒 兇管理員：唔好淋熄佢逐張睇↓↓↓↓
樓主：無藥可救、四處遺禍
樓主前日（6日）在社交平台Threads轉載短片發帖，批評片中在後樓梯燒衣紙的大叔「無藥可救、四處遺禍」，感慨「敏感時期（宏福苑五級大火後不久）仲搞啲咁嘅嘢」。樓主及後在回應欄補充，「Sorry（對不起）唔記得講係群組轉發，我非當事人。嬲得滯唔記得補充返。🙏🏻🙏🏻
短片長約1分06秒，現場為一棟大廈9樓的後樓梯梯間，防煙門半開著。穿背心的大叔正以化寶桶燒衣紙，鐵桶內火光熊熊，火舌一度升至人咁高；大叔身旁的白衣男，相信是接報道場處理的管理員。
女子喝停：唔可以咁樣㗎
短片中，聽到一名女子在怒斥大叔，直指「唔可以咁樣㗎……拿你再要咁樣，我真係報警㗎喇」。女子續批評「仲要咁樣行開咗個火，頭先」。
大叔指著火種回應，稱「我睇住佢燒㗎」，女子於是訓斥「你睇住都唔可以㗎」，大叔為息事，揮一揮手揚言「燒埋今日唔燒」。
此時，提著膠桶的管理員建議淋熄火種「我幫你淋返熄佢」，但大叔提高聲調阻止，稱「唔好淋熄佢」。
女子：唔可以咁樣鬧管理員
此情此景，管理員無奈地回望疑似正在拍片的女子，女子看不過眼反駁大叔，稱「拿，可以咁樣㗎，你大聲，就唔可以咁樣咁樣鬧管理員呀」。
接著，大叔拿起化寶盆旁的長鐵枝翻動衣紙，現場白煙滾滾。女子續稱「嗱，我有晒影片，我真係會報警㗎，你再咁樣。有咁大嘅教訓（宏福苑五級大火）你都唔聽！」。最後，大叔揚手似乎示意已完成燒衣紙，管理員表示「我等佢熄咗我先走」。
網民：真是有好多呢類人
有回應的網民留意到現場防煙門半開，指「開住防火門嚟燒，驚死啲煙入唔到人哋間屋」。另有不少人看不過眼大叔的行徑，滿有共鳴並留言分享自身遭遇。
有人憶述，家中長輩「以前都係咁」，但經勸導後已改用「樓下公用化寶爐度燒」。有網民則分享親身經歷，表示「記得隔離屋入伙時，在家中燒嘢仲打開門，成走廊都是煙，當時真是火都嚟埋，即刻打電話俾管理處處理。真是有好多呢類人。」
有在舊樓居住的網民表示：「住舊樓好多呢啲，過時過節⋯⋯走廊就好大陣燒衣味」；有人更遭遇惡劣情況，表示「我個鄰居都會喺走廊燒衣，話佢仲會鬧返我轉頭。同管理處投訴都冇用，仲要長期打開防火門🤬」。
網民怒斥行為如縱火
甚至有網民經歷過因此而走火警，稱「我大廈都試過，有人後樓梯燒紙皮 ，結果火警鐘響，全橦樓走火警」。
面對冥頑不靈者，有人表示：「都只能夠每次打去搵管理處啲人嚟叫得走佢，自己去同佢講，佢係唔聽」。有網民直接批評此行為是「縱火」，認為「燒衣就落街燒啦，喺後樓梯有乜事點算，佢喺度縱火」。
更有網民分享最終解決方案，指出「上次我住嘅大廈都有人喺走火樓梯燒嘢，搞到成座大廈都係煙，有人勸唔掂索性直接報警」。
資料來源：maggieleecf＠Threads
相關熱話：
