有港爸為鼓勵兒子勤力溫書，考試爭取好成績，特別花心思出動私家「夾錢機」作獎勵，列明100分有5次夾錢機會。有網民大讚有諗頭，並指為人父親的懂得享受親子樂趣，也羨慕其兒子玩得痛快開懷。
不過也有網民認為不應用金錢利誘小朋友溫習考試。充滿熱誠的事主在回應欄有問有答，並闡述準備這妙計的背後理念。詳情見下圖及下文：
出動「夾錢機」誘兒子努力溫習 考試100分可夾Ｘ次逐張睇↓↓↓↓
樓主：要諗方法令佢努力溫習
樓主前日（13日）在社交平台Threads以「考試」為題，上載私家「夾錢機」短片發帖，留言指「話說阿仔進入考試周，做爸爸嘅點都要諗啲方法令佢努力溫習。咁就同佢傾好：中英數常識每科，100分有5次夾錢機會、95分或以上有3次、90分或以上有1次。希望咁樣可以令到阿仔會有好成績。阿仔，加油呀💪🏽💪🏽💪🏽」。
「夾錢機」內放有花碌碌的鈔票，當中有不同面值的港元，還有日圓。短片內夾到的正是一張日圓紙幣。
相關閱讀：葵青女童離奇鑽入夾公仔機出貨口 女子緊張蹲機前 網民嚇壞籲報警
網民：意念新穎好有動力
不少回應的網民都顯得相當興奮，留言大讚：
•好有動力，一定得；
•幾正，你個仔就好啦；
•其實幾fun（樂趣）幾新穎嘅idea（意念）；
•單係屋企擺部機已經贏唔少人，明明件事咁有趣；
•好誇張！我都想屋企有部機可以夾🤩，唔使出去嘥錢俾N記冒記T記；
•其實我覺得幾好，小朋友的確會上進，因為你提供了誘因，總好過父母講讀好書，將來點點點。
樓主回應稱「希望佢（兒子）會開心」、「每個家長都係諗盡辦法，令小朋友學多啲知識，思考多啲，令自己人生快樂」。
就著「夾錢機」的設置，樓主接著解畫，指「本身就係諗住慳啲錢喺屋企玩，點知喺屋企學到啲技術，練習完，又想出去挑戰。所以結果都一樣出去課金😂😂」、「本身部機原裝返嚟係十次有一次實爪 ，我冇調校過佢。再這佢（兒子）夾唔到，一定會叫我擺位，放喺洞口。到時佢輕輕夾一夾就攞到啦」。
有網民持相反意見
不過，也有人持相反意見，批評：
•不要用金錢推動任何事；
•教壞晒，用錢利誘小朋友溫習考試；
•有專家講過咁樣會令小朋友為咗得到獎勵去考試／溫書，會喪失本身對嗰件事嘅興趣，之後表現會下滑。不過小朋友有咁有趣嘅父母係開心嘅；
•讀書有錢去做鼓勵，我父以前就是這樣，害我有扭曲金錢的思維，我到大了，才發現這行為有問題，影響信念系統，影響有錯誤多巴胺機制，我不會教下一代這種努力溫習的方法；
•個仔如真材實料付出考出好成績，點解唔用正面直接嘅獎勵方式去認同佢？而係用埋啲靠機會彩數，賭博嘅形式去獎勵佢？
相關閱讀：大埔夾公仔店指控教師「偷」公仔遭鬧爆 網民睇CCTV還原真相：輸唔起唔好開！台主：真心希望客人享受夾公仔樂趣
樓主：呢個係額外玩嘅遊戲
面對不同的聲音，樓主虛心地面對批評，表示「收到你嘅資訊👍🏽👍🏽咁我哋又要再諗啲新方法拎去努力學習」，並作進一步解釋「好成績一定有直接獎☺️☺️，呢個係額外同佢玩嘅遊戲😊，其實係可以用技巧去取勝」。
有網民於是通透地綜合事件，指「兒子：玩得開心」、「老豆：享受親子樂趣」；「仔：唔使錢可以夾公仔，仲可以同fd（朋友）曬命屋企有夾公仔機，真係夾到仲有零用」、「老豆：有親子樂趣之餘可以鼓勵啊仔溫書，試當俾下甜頭都幾好」。
另外，有人則主力就「夾錢機」作熱烈查詢，想知道「呢部機可以喺邊度買到，謝謝」。結果得網購的答案，並指「一部其實好平，爭在屋企有無位擺」。
資料來源：norijosin＠Threads
相關閱讀：紅磡夾公仔機驚現「旺旺仙貝」 一鋪竟收費「咁多」 網民震驚：智商稅？！↓↓↓↓
網絡熱傳紅磡有夾公仔機，竟以一包包「旺旺仙貝」代替公仔，供玩家挑戰，洞口檔板更設有兩條索帶，增加玩家夾走的難度，惹來網民熱議↓↓↓↓
