MIRROR成員呂爵安（Edan）、金燕玲、鍾雪瑩、李尚正、楊詩敏（蝦頭）等演出由翁子光執導及編劇的賀歲片《金多寶》，今日（13日）進行外景拍攝。曾演出賀歲片《闔家辣》、《盜月者》的Edan，坦言今次再度參演賀歲片要多謝導演翁子光邀請，本身喜歡搞笑，但拍攝搞笑題材不多，今次也很享受，加上跟多位演員首次合作，最好玩是在拍攝現場能撞出火花，所以好期待拍攝出來的作品。
鍾雪瑩難忘跟狗演員合作
對於跟金馬影后鍾雪瑩合作，Edan笑言好大壓力，不過鍾雪瑩坦言面對金像獎「最佳女配角」得主金燕玲有壓力，但戲中好多群戲，所以大家每人分擔少少的時候慢慢會有默契。談到最難忘的拍攝過程，鍾雪瑩笑言跟狗演員Caski一齊演出好難忘，因為未試過跟狗演員合作。Edan則謂最印象深刻在別墅拍攝，當中會有比較搞笑同浮誇戲份，雖然覺得忍笑好難，但今次演出可以笑出來不用忍。他說：「有場戲李尚正同蝦頭要唱首歌，就拎了改咗詞嘅版本去唱，我同鍾雪瑩都覺得可以保留。不過導演覺得太Over，最終鍾雪瑩就拎佢影后姿態出嚟！其實我哋都覺得嗰句對白好有噱頭，我唔敢講，就叫她講。」在旁的鍾雪瑩則謂不怕提出意見，自己就鼓起勇氣跟導演表達，最後對方被誠意打動指可以拍多個鏡頭。Edan又指雖則會跟足劇本拍攝，但可以自由發揮演出，令每場戲及角色更加生動。對於該片是暫時為止公布開拍的第一部賀歲片，問到可有壓力？Edan笑言應該沒有壓力，知道現今開戲是好難的事，慶幸這個時候有該片出現是一件開心事，希望農歷年帶來給大家歡樂。
Edan盡力打閃避球
另外，提到MIRROR團歌《DNA is U》MV，有網民指Edan欠缺大頭鏡頭。Edan坦言導演安排，最緊要整件事是開心，亦見到大家好喜歡此曲的概念和感覺。談到鍾雪瑩是作詞人，可想跟她合作？Edan表示對鍾雪瑩的作詞也很喜愛，寫詞對他來說一世無可能做到，所以覺得對方好厲害，希望將來有合作機會。至於MIRROR成軍7周年，提到12子將以閃避球作賽。Edan笑言會盡力打，但並非專業球員又不會搏殺，因為少接觸閃避球都會好期待。
