有自稱「天生大聲」的阿婆，在巴士上層大聲講電話，引起乘客不滿，發生激烈爭執，一發不可收拾，巴士車長被迫在公路停車，走到上層制止，期間約1分鐘教材級發言，霸氣收伏大聲婆，令全車收聲。
涉事為龍運巴士A43線，來往粉嶺及機場及港珠澳大橋香港口岸。
巴士車長霸氣收伏大聲婆 1分鐘教材級發言全車收聲 網民譽防嘈神器：要錄低↓↓↓↓
有網民在社交平台發片發帖表示：「事源個呀嬸，由上水站上車之後無耐，就開始勁大聲係度講電話，之後有人忍唔住叫佢細聲d，佢就開始係度不停Ｘ，全車人叫佢細聲d佢仲繼續Ｘ。」
樓主又謂該阿婆聲浪巨大：「條友大聲到我戴airpod pro都聽到佢係度講電話。」
阿婆：「Ｘ你，我打個電話唔得呀！」
樓主發布的影片，該名阿婆因製造噪音被指責，大聲地與乘客互罵，阿婆粗口橫飛，對於自己大聲講電話毫無愧疚，她指罵其他乘客：「我講電話關你Ｘ事！」多名乘客喝道：「嘈到人哋呀嘛！」
片段見到阿婆嘈交，有乘客疑「頂唔順」走落下層迴避。阿婆繼續爆粗與多名乘客爭執：「打電話唔畀人打㗎！」「Ｘ你，我打個電話唔得呀！」「Ｘ你老尾！」「Ｘ，你做雞呀！」
有乘客警告她在巴士上講粗口已涉嫌犯法，阿婆即話：「無寫住喎！」巴士這時停在路旁，車長走上上層，眼見現場爭駁一片嘈雜，他先大喊一聲：「唔好嘈！」
車長：「唔好嘈！」
他問：「邊個（大聲）打電話？邊個？」乘客指出該名阿婆，阿婆仍欲爭駁，車長即打斷她說：「嗱，你唔好咁大聲，如果我一報警，全部……」阿婆這時打斷車長發言，仍大大聲申辯。
車長只好由樓梯，走上上層指著阿婆：「好大聲呀！」他隨即向全車乘客警告：「如果你哋再嘈，我一報警，你哋全部無得返去，去旅行無得去，去港珠澳全部無！」他說話時配上大動作加強語氣。
「依家點樣！大家妥唔妥協？」
他轉向該名大聲婆反問：「依家點樣！大家妥唔妥協？」阿婆即屈服：「你咁樣講，大家算數囉。」車長繼續教訓她：「咁算數囉，唔好出聲，你唔好咁大聲。」
阿婆聞言又大聲反駁，車長說道：「你依家都好大聲同我講嘢！」阿婆說：「我天生係咁，無辦法。」車長話：「你戴個耳筒……你唔好嘈啦。」
「平平安安，快快樂樂，去旅行去旅行，返屋企既返屋企！」
這時有女乘客上前再向阿婆警告：「你大聲係嘈到司機，行車隨時……咁如果炒咗車嘅話……你明呀嘛，你了解呀嘛。」阿婆這時亦說：「得啦，靚女，你咁講，我接受得到。」
車長這時再向上層乘客呼嘯：「安靜，完咗，一人小句聲，唔好騷擾我揸車啦，平平安安，快快樂樂，去旅行去旅行，返屋企既返屋企！」阿婆終被收伏，向車長認低威：「得啦，唔該你師傅！」
網民想錄低：大聲放呢段出嚟 希望有效制止
網民紛紛留言大讚車長：「司機好型！同埋好難得成車乘客都咁齊心！」「要表揚司機。」
有網民更表示須錄下車長發言，隨時用作制止大聲人士的神器：「好想錄咗呢一段變音訊，若日後咁唔好彩遇著呢啲阿姐，大聲放呢段出嚟，希望有效同即時可制止。」
有網民有感而發，認為現在搭乘公共交通工具，不時遇到大聲播歌講手機人士，不勝其煩：「以前冇smartphone 世界清靜好多……」「而家搭車如果冇人制造噪音簡直係bonus。」
來源：xhead.boary＠Threads
同場加映：港男巴士「世紀奇遇」竟獲車長派錢？一原因獲贈8倍車資惹熱議↓↓↓↓
