有港男分享昨日（29日）在商場廁所遇到奇遇，他在廁格大便時，竟遇到有人對正他廁格做一事，令火花狂噴入廁格內，他形容是「放煙花」和「星級待遇」，更自嘲：「連隔離街嘅人都嚟埋睇。」
星級待遇？港男商場廁所大便門前竟放「煙花」 火花狂噴入廁格射埋身 事主嘲：連隔離街嘅人都嚟埋睇↓↓↓↓
有網民在社交平台發片發帖表示：「我去廁所，佢哋放煙花，連隔離街嘅人都嚟埋睇，真係星級待遇！」
樓主實拍當時影片，發現對正他廁格門前，竟有人席地用電鋸鋸鐵，估計樓主大便時，正好撞正商場安排維修人員，在洗手間進行維修工作。
片中可見電鋸鋸鐵時，除發出大聲響，火花亦四濺，確實如同煙花般璀璨，火花從廁格下噴入廁格內，一些直彈射向樓主大腿，片中亦看到樓主亦要縮一縮，情境險象環生，亦蔚為奇觀。
火花直噴大腿 事主腳亦縮一縮
樓主在片中標示：「我只係想屙個屎啫。」似乎對於在大便中的他，無處可避開噴來的火花，感到非常無奈。
帖文掀起不少網民留言大食花生，有網民幽默表示：「係咪便秘咗太耐，見你有屎痾就放煙花慶祝。」
網民幽默議應對：佢噴火，你都可以噴水
不少網民熱議各種應對方法，有網民認為樓主應該「Ｘ出聲」，破口大罵出面鋸鐵人員，但有網民則認為口出惡言有風險：「會唔會鋸埋入嚟㗎？」「Ｘ完佢轉頭走去封廁所，屎都冇得你痾。」
有網民忽發奇想認為身處廁所，可以就地取材：「佢噴火，你都可以噴水。」「飛返舊屎俾佢啦。」有人認為應先禮後兵：「下次同佢講『師傅唔好意思，唔好再打擾我屙屎，你再係度鑽嘢，我就掟啲屎出嚟』。」
有網民認為以和為貴，應採取「真善忍」態度，有人甚至認為樓主有賺：「你有免費煙花睇，有冇俾貼士師傅？你臭親佢喎。」
有網民認為事件非常有趣，笑點十足：「屙個屎都要受皮肉之苦。」「Sor呀，見你隻脚一縮就忍唔住笑到流眼淚。」
來源：hihkon9＠Threads
同場加映：屯門中學校長指DSE考生去錯廁所起衝突 規定須用指定廁所 校長帶隊嚴查 准考證曾被扣考生投訴侵犯私隱↓↓↓↓
