荃灣商場日前有市民懷疑跌錢，花碌碌的銀紙如仙女散花般散落一地，幸而路人拾金不昧，採取的「良心」處理手法更獲網民大讚；不過，也有人另有心思，盤算著大膽的想法。詳情見下圖及下文：
荃灣商場仙女散花式跌錢 4位數字現金散落一地逐張睇↓↓↓↓
事發於荃灣千色匯
樓主前日（24日）在facebook群組「荃灣人」上載兩張相片發帖，留言指「有冇人跌錢，已交保安保管— at（在）荃灣千色匯」，及後更新最新情況，指「已搵到失主，各位有大膽想法嘅朋友，下回請早」。
相中見到商場地下如仙女散花般，散落著花碌碌的銀紙，包括至少有4張500元紙幣和一張20元紙幣；當中還見到保安員到場處理事件。
相關閱讀：港男付款時不慎跌錢 後排馬尾女「仆倒咁」執起竟私藏拒還 意想不到後續氣炸網民
網民：似係喺褲袋跌出嚟
由於銀紙跌出後四散，有網民估計物主「好趕時間喎」、「似係喺褲袋跌出嚟」、「跌到咁散？似丟錢多啲」，有人則認真地稱「跌咗錢嗰個真係陰公」。
有另類大膽想法的網民卻指「錢係冇色認嘅！冇寫住你個名？」、「錢係唔會識認人，唔會搵返個失主！」。
相關閱讀：好人難做？將軍澳商場門口執到大疊人民幣 好心港女以為阿嬸跌錢 一原因越問越走
樓主：呢幾千蚊可能對跌錢個位好緊要
對於樓主拾金不昧，獲不少網民大讚——「值得讚！問題係失$者都唔知係邊度跌」、「貪係過唔過到自己良心，你真係好好人」。
樓主現身回應時稱「係，好似其他留言講，冇色認，袋咗都冇責任。但呢幾千蚊可能對跌錢個位好緊要，交俾保安，希望有機會遇到失主，後續係點，我控制唔到」。
有網民則擔心「跌咗嘅人點樣證實係自己嘅」，不少人答話指「睇返cctv（閉路電視）」、「應該有cctv」、「有cctv對返㗎」、「樓主👍🏼👍🏼，有cctv可以公正係邊個。 跌錢嗰個可能好急需用啲錢」。
資料來源：Dan Lau＠facebook荃灣人
相關閱讀：港鐵紅磡站有乘客跌銀包？ 網民：考驗人心 港男揭真相：呃晒全港800萬人↓↓↓↓
港鐵紅磡站長期都有乘客跌銀包？有知機的網民指出，這個被跌下的銀包「執唔起」，可用作「考驗人心」 ；有港男則揭開真相，笑言「呃晒全港800萬人」↓↓↓↓
