黃子華和容祖兒再度攜手，為迪士尼金像動畫《優獸大都會》第二集，今集仲有Marf（邱彥筒）驚喜加盟，入型入格聲演性感迷人、唱得又跳得的羚羊紅星嘉西BB。相隔9年再為同一角色配音，子華神驚歎完全唔覺上一集已是9年前的事，「感覺上好似舊年先配完第一集，今年又配第二集咁！」
子華想親身扮演「阿力」
在《優獸大都會2》重逢，子華同祖兒都認為對方狀態極佳，冇乜點變，祖兒更大讚子華比以前更靚仔！祖兒對第二集更是期待已久：「第一集我睇了無數咁多次，真係好好睇！翻睇又翻睇，睇到夠，第二集就啱啱好出現！」至於再度演繹同一角色，祖兒認為自己與兔仔朱迪的樂觀正能量最為相似；子華就自覺已經好完美地演繹狐狸阿力這個角色，「唯一可以更完美就係開拍真人版，由我親身扮演阿力！」此外，祖兒覺得最大挑戰來自要一輪咀講超長對白，「有幾場戲，每段對白有半頁紙咁長，講到條脷打晒結，要練習好多次先至可以一氣呵成流暢地演繹。」子華就覺得今集狐狸阿力的感情比上集更為豐富，很多說話既說不出口但又唔講唔得，「今次配音令我成為了欲言又止的專家！」
黃子華、容祖、Marf為動畫《優獸大都會》第二集配音。
祖兒認為自己與兔仔朱迪的樂觀性格最為相似。
Marf為「嘉西BB」配音。
子華神驚歎完全唔覺上一集已是9年前的事。
子華同祖兒都認為對方狀態極佳，冇乜點變。
子華獲祖兒大讚比以前更靚仔。
Marf為「嘉西BB」配音好緊張
至於今次新加盟的Marf，自言獲邀為這位仙氣女神配音時，心情難免緊張，更認為角色嘉西BB展現了剛烈辛辣的一面，與自己個性最為相似，絕對有助她融入角色。而有別於平時唱歌，今次Marf要用聲音打動男女老幼觀眾，絕對是一項新挑戰，由此開發了自己聲音的全新領域，覺得十分好玩！
