在糖水舖購買楊枝甘露竟然有現金回贈，而且是食完即中獎的真金白銀。有「幸運兒」食客於碗底「驚喜」撈出金錢後，在網上豪給糖水舖5星好評 ，並留下「量大料足」的評語。有網民好奇笑問食後感：「金錢係咩味？」。詳情見下圖及下文：
糖水舖楊枝甘露有現金回贈 碗底「驚喜」撈出真金白銀逐張睇↓↓↓↓
匙羹撈到西米和現金
樓主本月13日在社交平台Threads上載評論網站的相片截圖發帖，指「睇到忍唔住笑咗出聲」。相中的評論早於今年3月23日發表，留言是「仲有$5回贈」，另有「量大料足」，「價錢合理」的字眼。當中的楊枝甘露已吃到碗底朝天，意猶未盡的匙羹最終撈到3粒西米外，還有一個亮眼的5元硬幣。
相關閱讀：長沙灣酒樓點心驚見「老鼠屎」 事主最後咁處理：食慾盡失！
網民：寶物沉歸底
網民都對這個特別的現今回贈方式另眼相看，笑言是「寶物沉歸底」、「碗底驚喜」、「又食又拎」、「食到底先有金露」，形容這是「真•現金回贈」、「真係有5蚊回贈」、「抵食，回贈咗$5俾你」、「銀彈攻勢，良心實惠」、「好似細個食奇趣杯，食到個底有玩具」。有人更加替店家代言，稱「你係今日嘅第100位顧客，所以特飲減5蚊（只限一杯）」。
有網民則關注到食客的5星好評，直指「好好笑，佢仲要俾5星」、「就係俾5星先多人見到」、「有晒誠意，俾返5粒星」、「$5買到一個5星評」、「抵到爛，5星好評」、「好有驚喜！$5換取5星」、「算唔算另類回佣」。
相關閱讀：荃灣街坊恐怖執藥 打開嚇見發霉兼有廿粒疑似曱甴蛋 退貨失敗罪證被店家「咁樣」處理
網民反胃：銀好多菌
有人則實際地表示「洗一洗可以用啦，開心」，但有人反胃地稱「散銀好多菌」、「硬幣最污糟」、「送$5，但食到肚痛唔夠俾錢睇醫生喎，並建議「下次落單要講明回贈另上 」。還有人好奇「請問金錢係咩味 」、「怕唔怕食到一浸鐵味」、「有銅臭味的外賣」。
資料來源：tsz0.__＠Threads
相關閱讀：毛管戙奇景！紅磡豆腐店托板聚逾百曱甴 店員竟淡定3字神回↓↓↓↓
2023年時，紅磡一間豆腐店被發現門前兩塊木托板聚逾百曱甴，恐怖奇景成為近日熱話，曱甴生猛亂爬震驚網民，傳媒到訪豆腐店職員則淡定回應，有另一番說法↓↓↓↓
