萬物皆可成餐具。一名穿黑白間條衫的女子，早前便被捕捉到以一件隨身硬物作餐具，輕鬆幹掉一盒外賣麵食。詳情見下圖及下文：
女子僅用一隨身硬物 輕鬆食晒成盒麵 萬物皆餐具逐張睇↓↓↓↓
樓主本月5日在社交平台Threads上載短片和相片發帖，留言笑指「想知邊個牌子嘅原子筆好食啲」。
帖文中，見到女子正捧著一盒外賣，津津有味優雅地吃著當中的麵條。細看之下才發現，原來女子拿著的餐具，竟然是一支倒轉持著的原子筆。
網民：冇得揀先用筆啫
有網民形容女子的做法「大癲」，也有人稱讚此舉「環保」。但還是有人真切地感受到當中的無奈「人哋都係冇得揀先用筆」、「冇餐具係咁，點都好過用手啦 」。
有過來人補充更多無奈細節，稱「可能佢叫咗外賣但唔記得買餐具吧，我都試過屋企裝修，全屋拆晒，廁所都未有，叫外賣拿返屋企，但無拿餐具，真係唯有用手食，其實用筆食係好過用手食的，你有無試過丫？其實都好無奈的」。
網民爭論用筆定用手好
另有網民提出零餐具下的方便進食方法，並引起用筆好還是用手好的爭論：
•網民甲：其實用手推上的麵咪得囉，點解要用筆？
•網民乙：用筆好過手，食完仲要損手指仲…
•網民甲：用手在膠袋外面把麵推上，不是用手指放入裏面抓麵食。
•網民乙：都係用筆好過手，觀感食相都唔同。
有人則提出了一個與何不食肉糜情景相似的提問——「點解唔用兩支筆？」，獲得了「可能因為得一支」的回應。另有網民笑言，以筆作餐具，「佢講嘢一定好有墨水」、「啲墨可以當埋墨汁咁食」。
Threads截圖（資料來源：howy.yan＠Threads）
相關閱讀：叫外賣撳錯掣$60買對木筷子 店家外賣員現身爆最新後續↓↓↓↓
有天水圍港男叫外賣時撳錯掣，結果付了60元，買了一對木筷子餐具，成為網絡熱話，事主、店家及外賣員其後現身，爆事件後續。
事件發生2024年12月21日晚上約9時45分，事件詳情及最新後續如下↓↓↓↓
