RubberBand、側田為同期出道，年尾終於爆出重磅消息，他們將於12月13日在西九文化區AXA x Wonderland舉行音樂會。RubberBand主音6號對今次「合體」非常期待：「我哋識於微時啦，以前又係同公司，好似重回入行的時候，有興奮嘅心情！因為有兩個單位嘅火花，同自己做騷好大分別。10年前我們同公司，有不少機會同台演出，當時我們『入世未深』只顧自己部分，希望今次將側田融入成為一隊大編制的樂隊，大家可以隨時『轉位』表演，呢個就是好玩之處！」
RubberBand廿年前與側田合唱《Erica》
6號形容側田是「音樂狂人」，欣賞他對音樂夠「堅持」：「他的唱歌技巧、感情是很高階，他的流行Hit歌是當時的回憶，轉眼就20年，『回憶殺 』相信今次個唱其中一部分。我最想唱他的《Erica》一曲，20年前第一次以RubberBand身分，改篇呢首歌與側田合唱，所以好想圓夢再唱多次。」側田亦表示今次「合體」機會難得，希望撞出新火花，給樂迷帶來驚喜：「其實真係要多謝主辦單位嘅牽線，我同RubberBand識咗好耐，以前都係同公司，但一齊開show真係未試過，所以今次有機會合作，真係好難得。我好珍惜呢次機會，希望同佢哋撞出啲新火花，帶畀觀眾驚喜。」
側田表示crossover感覺新鮮，預期觀眾也會喜歡：「我其實鍾意佢哋好多歌！我都想唱多啲勵志嘅歌，帶多少少Gospel風格。我哋將會融合成一隊band，等於呢隊band多了一個主唱及和聲。」而長居海外的側田表示會返香港練歌，務求以最佳狀態演出：「現場一齊夾先至最有火花，所以點都會返嚟一齊練。」
RubberBand、側田為同期出道，他們將於12月13日在西九文化區舉行音樂會。
RubberBand孖昔日同門側田，12月13日唱爆西九。
RubberBand在20年前與側田合唱《Erica》。
側田罕唱勵志歌。
