颱風樺加沙攻港，將軍澳海濱長廊遭風暴潮浸襲，大量海水倒灌淹浸大片長廊範圍，掀起巨浪，一名男子竟著泳褲迎浪戲水惹起網民公憤。
颱風樺加沙｜風暴潮淹浸海濱長廊掀巨浪 將軍澳男著泳褲迎浪戲水惹公憤 消防員家屬狂轟：唔好出嚟害人！↓↓↓↓
有網民今日（24日）早上在將軍澳海濱長廊發現一名赤裸上身男子竟著泳褲，走到海濱長廊戲水，當時海濱長廊已被風暴潮淹浸，巨浪席捲長廊休憩範圍，男子竟無懼大浪，更一度坐在長廊沿岸的長椅子上觀浪，任由巨浪淹浸自己，片段中巨浪已高過人，但男子完全無視極可能被巨浪捲走的危險。
片段又看到，男子施施然戲水多時，動作多多，又不時觀看巨浪拍打岸邊，「細味」多時，才慢慢離開，但行至一半時又駐足轉頭觀看巨浪，似未有去意。
消防員家屬：可唔可以唔好出嚟害人
發片發帖的網民表示：「海濱長廊已經不斷有大浪拍上嚟，竟然仲有人咁樣『感受』颱風威力，好似當咗水上樂園咁。」「啲浪已經高過佢成個人，都仲要繼續玩。」
樓主批評該男子若有不測，便要勞動消防員營救，害己害人：「打風不如就乖乖地留返喺屋企啦，尋日先有兩母子入咗ICU未出嚟，當緊值嗰班消防救護嘅屋企人都等緊佢哋平安返屋企㗎。」
帖文引發熱烈迴響，不少網民狠批該男子自私：「又係自私既人。」有網民建議報警。有消防員家屬更狠批男子行為：「所以每逢打風都好怕見到哩d人要我老公去救，可唔可以唔好出嚟害人。」
來源：Threads＠ma.kimmy
相關熱話：
