一名有133萬元儲蓄的32歲港男，因為職場一事，有意來個人生的「中場休息」，計畫裸辭自製悠長假期「微退休」。網民對此意見兩極，有人提醒謹記「條路自己揀」。詳情見下圖及下文：
打工10年手持$133萬 32歲港男因職場一事擬裸辭「中場休息」逐張睇↓↓↓↓
樓主想「真真正正休息幾個月」
樓主上月底在社交平台Threads以「裸辭人生」為題發帖，大方抖出財務狀況和感情生活等私密資料，講述近來的心路歷程，因為職場一事而有意裸辭，「真真正正休息幾個月」，請教網民意見。
樓主在帖文中表示，「32歲，現時儲蓄有1,330,000港幣，與女友同兩隻貓仔同居，月租$13,000（我付$9000，她付$4000）」。
樓主續稱「2015年開始做嘢，已經做咗10年嘢，當中有8年係做工程Sales（銷售員）。自今年3月離開咗一間做咗4年半的公司，我由4月開始每個月都轉工，最近一份工剛剛返咗1個月，都發覺好伏…但我呢4個月已經轉咗4份工…」。
最後樓主坦言「我想休息一下唔做嘢，得唔得？我唔係要退休，只係想真真正正休息幾個月」。
相關閱讀：減薪4位數字轉新工 中年打工仔一原因勁感恩 同路人：少5日大假都肯做
有支持樓主小休的網民指：
•有咁多儲蓄唔驚；
•錢呢樣嘢搵唔晒，你嘅身心健康係最重要；
•我都月月轉，太多伏工，12個月轉咗12份；
•10年工作生活，想有個長Break（休息）都好正常～我當年都抖咗幾個月；
•可以，記得做好收息股或基金配置，唔返工有啲被動收入幫補下都好；
•我上年休息咗半年，去埋2個月旅行12月先回歸，戰鬥力回復，精神好返晒；
•想休息咪休息，你只係30幾歲，成世人流流長，仲有排你生存，休息幾個月唔過份啦；
•我冇你咁多儲蓄，都休息咗4個月，俾自己休息吓，唞夠充夠電再去返工，仲做得好啲；
•真正嘅休息，係可以搵到自己鍾意做嘅嘢，隨心所欲去做，其實你現在有底氣可以去做；
•我都由4月裸辭，休息咗陣，今個星期返Contract（合約），10月返正職，錢可以再搵，命得一條呀；
•記得之前睇《悠長假期》（日劇），入面有句類似嘅對白：生命不必每時每刻都要衝刺，有時候，就當是放一個悠長假期；
•抖下啦，成世流流長…抖嗰一陣拉番闊睇其實佔你人生好少時間…如果你話你短命點計，咁仲簡單，錢又帶唔到落去，有限嘅光陰比自己快活下唔係咩壞事；
•同意。其實人生真係好似一條橡筋。你一路拉扯佢，到最後，只要少少壓力，都會斷。但係懂得搵機會休息，咁就一定可以健康地咁樣搵食。
相關閱讀：月入6萬中年IT男失業 一家之主愁坐食山崩 網民心酸集氣指點生路
其他正反留言見下圖：
相關閱讀：三口之家夫婦月入10萬 港媽列家庭開支清單 勁呻：我哋先係真香港最底層
網民自述打拼故事
另有人趁機自述打拼故事，實行以各自的人生軌跡，作為樓主的生涯導師：
•我32歲嗰年做咗7年嘢，25歲畢業30歲嗰年我已經儲咗大概70萬、80萬，嗰陣時係1990年，冇再搵工做係因為搵唔到工做，失業咗足足10個月，不自願地悠長假期咗10個月，有啲悶到發慌，最後機不擇食乜嘢工都做，做咗CSL嗰啲電話服務員追下數收30蚊個鐘，然之後10個月後我終於搵到工開始發圍，從此做到今日，都仲未退休，算係半退休啦；
•我依家都33歲，女。依家都邊返工，邊月月飛幾日去旅行。每次旅行都將預算控制到最低（用公司職員機票、住單人精品酒店/商旅/青旅）一樣存到錢。其實，人生可以多方法活著，不要把自己弄得太辛苦。2025年旅行：2月台北（3日）（和朋友一起）、3月台北 （3日）、4月廣州（高鐵）（3日）、5月西安 （5日）、6月東京（ 3日），台北（3日）、8月北京 （4日）、9月大阪 （5日）、10月台北 （4日）、11月大阪（和朋友一起）；
•我而家33歲，今年辭咗職，有炒散，唔好dup懶個人，同埋keep（保留）住留意自己個行業嘅發展。我喺辭職兩個月之後正式開咗公司，今個月公司收入比起我本來份正職仲要高，再加埋我仲有返炒散，應該差唔多多過之前人工50%。PS.我有Plan（計畫）但係唔係Well Plan（完備計畫）都係見步行步，一步步試吓實踐，有啲同我本身幻想嘅唔一樣，又有啲比我想像中好。
資料來源：salahmo.mo＠Threads
相關閱讀：坐擁80萬身家 月入2.27萬打工仔豪言儲夠錢：以後花光人工歎世界↓↓↓↓
去年初，一名月入22700元的打工仔，在坐擁80萬元身家的底氣下實現財務自由，揚言由下月起歎世界，「存款全做定期，人工就花光」，要食好著好過好日子。
沒有透露歲數的樓主1月初在「香港討論區」以「我決定，下個月開始唔再儲錢，享受全部薪金」為題發文，揚言日後要食好著好↓↓↓↓ 。扣除強積金供款與4500元家用，網民計算出樓主日後每月大概可盡花17000元享樂↓↓↓↓
