一名的士司機日前收到客人付款，當中一張摺著的20元紙幣打開後卻發現殘缺，「傷殘」廿蚊紙的一節像「飛尾」般消失。不過，事件峰回路轉，的士司機及後自爆神奇的大反轉結果。詳情見下圖及下文：
慘收「傷殘」廿蚊紙 一節「飛尾」消失 的士司機自爆大反轉結果逐張睇↓↓↓↓
樓主：拎咗張傷殘嘅廿蚊
樓主前日（4日）下午在社交平台Threads以「的士」為題，上載短片發帖，留言指「正所謂有得就必有失，琴日拎咗罌XO醬（客人送），今日就拎咗張傷殘嘅廿蚊，每日都有新奇士」。
短片見到樓主手持的中銀20元紙幣，左邊像被搣飛般少了一截「飛尾」。惱羞成怒下，樓主將直挺挺的「傷殘」20元紙幣一拳揸摷洩憤，並把這張收來的「傷殘」20元紙幣貼堂，下有「好運好數」4個大字，「提自己以後找錢記得睇清楚」。
相關閱讀：蠱惑的士司機以一手法疑找少$100 乘客落車不足30秒即發現追唔返 自責：真係蠢咗
樓主：總會有好嘅客人
不過，事隔約1小時後，樓主再發帖上手機截圖講述後續，竟出現峰回路轉的結果，指「事件嘅後續，佢（客人）自己都笑咗。總會有好嘅客人（已FPS，轉數快過數）」。
截圖見到「傷殘」20元紙幣消失的「飛尾」，圖下有「唔好意思的」留言，估計時客人發現「傷殘」20元的「飛尾」後，連忙聯絡樓主解釋事件。
不過，對於這張「傷殘」20元紙幣，有網民還是好心提醒樓主「可去銀行換張新嘅」、「損毀面積唔over（超過）1/4可以攞去3大發鈔行換新，你留喺度把鬼⋯？」。
相關閱讀：的士司機急尋一家三口致謝 獲贈「咁多」小費渡人生低潮 網民眼濕濕：保留住先當護身符
資料來源：imnotdc9＠Threads
鈔票損毀點算好 金管局咁講↓↓↓↓
就遇上鈔票被塗污或損毀情況，金管局教落市民應該咁做↓↓↓↓
在金管局facbook，局方曾以「爛銀紙都係錢？」為題發帖，指出「如果銀紙崩咗角、污漕咗，有輕微破損係可以繼續用，但最好拎返發鈔銀行，當銀行驗證咗係真鈔、損毀面積冇超過四分一、防偽特徵完整，一般都會換返錢畀市民嘅」。而在金管局網站的「常見問題——紙幣和硬幣」部分，官方就這問題作解釋——「被塗污或破損的鈔票能否被銀行接受及兌回鈔票原值？」，指：
「一般而言，紙幣上如有塗污或損毀情況，可能會出現其他市民或商戶不願接納的情況，所以鈔票持有人應盡量保持鈔票完好，以保障自身利益。
如遇到塗污或損毀情況，市民可向有關發鈔銀行要求兌換。發鈔銀行會根據既定的準則來驗證真鈔，例如塗污或損毀程度、防偽特徵是否完整，決定可否兌回原值，由於每張鈔票的塗污或損毀情況會有不同，銀行會個別考慮」。
金管局並在網頁的「紙幣冷知識」欄目下，設生動的情景題解畫：
阿四：小森，頭先食飯每人夾88蚊，你仲未畀返我！
小森：你睇下啦，我銀包得返一張「紅衫魚」，上面仲崩咗一個角，唔畀得你。
阿四：銀紙爛咗都係錢，點解唔畀得我？
小森：你有所不知，損壞咗嘅紙幣係有可能唔被接受做法定貨幣㗎。
阿四：如果唔覺意收到張霉霉爛爛嘅銀紙，咁點算好？
小森：崩咗角、污漕咗嘅銀紙仍然用得㗎，但如果你覺得唔順眼，最好都係拎返發鈔銀行回收。一般嚟講，銀行會驗證張銀紙係咪真鈔、損毀面積有冇超過1/4、防偽特徵係咪完整，無以上問題就可以兌返錢。
相關閱讀：的士「電騙黨」瘋傳！一招以「轉數快」疑呃錢 網傳屯門元朗有司機中招↓↓↓↓
的士「電騙黨」瘋傳！有的士司機今年1月15日晚上接載一名懷疑「電騙黨」男子，該男子一上車竟叫司機先為他的手機「叉電」，未開車已企圖透過「轉數快」過車資，並要求司機找回現金，相當離奇。
聲稱險被騙財的司機，在「的士司機資訊網」FB專頁發帖，公開事發時的車cam片，揭露疑似「電騙黨」涉嫌行騙過程如下↓↓↓↓
