多名疑似嶺南大學學生，搭城巴特別班次，懷疑因車長無在總站停車，鼓譟指罵車長，威脅投訴「讓你下崗」，車長最終被迫駛回，事件惹起網民關注熱議。
城巴發言人回覆《星島頭條》表示，城巴正跟進一宗關於B3A號線的顧客投訴。初步調查顯示，事件發生於周二（8月26日）早上B3A號線的短途班次，巴士未有於富泰邨總站安排乘客下車。城巴已提醒車長，須留意此為配合嶺南大學新學期及迎新活動而增設的短途班次安排，以確保時刻為公眾提供優質且專業之公共交通服務，公司將避免同類事件再次發生。
涉事城巴B3A路線，來往山景邨及深圳灣口岸，涉事特別班次以鄰近嶺南大學的富泰邨站為總站。
到總站無停車起衝突 疑嶺大生圍攻城巴車長 車長遭威脅被迫駛回 「看這麼多人夠不夠讓你下崗！」城巴：已提醒車長避免同類事件再次發生↓↓↓↓
多個社交平台流傳一段名為「城巴B3A香港20分鐘旅遊攻略」的影片，片中多名男女走近車長駕駛座位置，因車長無停富泰站而指罵車長，網傳涉事男女疑似為嶺南大學學生，有指他們當時誤會該車為特別班次，以富泰邨為總站，不過，城巴發言人回覆《星島頭條》查詢時表示，經初步調查後，涉事B3A號線的短途特別班次，為配合嶺南大學新學期及迎新活動而增設的短途班次安排，以富泰邨為總站，車長未有在總站安排乘客下車。城巴已提醒車長，須留意此為配合嶺南大學新學期及迎新活動而增設的短途班次安排。
城巴：經調查車長未在總站安排乘客下車
影片開頭，見到一名女子以不純正廣東話大聲指罵車長：「你唔知你開呢班車？你唔返去，我今日投(訴)定你，我同你講！」車長邊駕駛邊回應：「你咪走返去囉。」
這時一名男子以普通話咆哮起來：「我們坐了兩年了！」車長以委屈態度回應：「我都唔知㗎。」開頭罵車長的女子再怒斥：「我同你講，呢班車8點半係剩停嶺南大學，你明唔明？！」
車長這時攤開手說：「你哋又無人撳鐘喎。」暗示飛站是因為沒有人按停車鐘，這時現場男女乘客均鼓譟起來，有男子以普通話罵道：「回去呀！」
「你今日唔車我哋返去，你走唔甩㗎啦，我就鬧定你！」
該名女子再警告車長：「你聽清楚，你今日唔車我哋返去，你走唔甩㗎啦，我就鬧定你！」男子再以現場人數威脅說：「多少人，你看一下，夠不夠讓你下崗呀！多少人投訴，夠不夠讓你下崗呀！」「看這麼多人，夠不夠讓你下崗！」女子又怒斥：「呢部車全部人都係去嶺南大學！」
車長再解釋：「你哋又無人撳鐘，我咪照行囉。」男子即反駁：「最後一站就是富泰啊！」車長即糾正他：「我哋呢班係全程B3A。」
但女子辯道：「你呢個邊到係全程B3A，你呢個係特別班呀！」有現場乘客亦說：「8點30係特別班！轉返去嶺南大學啦。」車長見無法伸辯被迫駛回富泰邨站：「咪轉返去大學，咪聽你講，轉返去大學囉。」
女子未有因此罷休，呼籲在場乘客投訴：「舉報啦，大家舉報啦。」她改用普通話向在場乘客說：「大家舉報吧，如果不舉報，以後每一天都會這樣子的了。」車長聞言以普通話說：「對了，我們之間每一次都不是不同。」他解釋這班車不是特別車：「我睇住呢個步驟嚟行駛㗎。」這時有人批評車長「不道德」，有人則在分享城巴投訴電話號碼。
「撳鐘落車？真係好笑，終點站就是富泰」
車長邊駕駛邊說：「呢到轉返去咪大學囉，好易啫。」女子這時繼續罵車長：「佢又講我哋無撳鐘……」車長插話說：「係呀，要撳鐘㗎。」女子聞言更加勞氣認為這是特別車：「呢部車係得去到富泰邨。」車長回應：「我都唔知㗎。」女子反問：「咁撳鐘做咩啫？」車長答：「撳鐘停車囉。」女子謂：「撳鐘落車？真係好笑，終點站就是富泰。」車長這時大聲說：「巴士係咁㗎。」女子嘲諷道：「好笑，這個人。」車長仍感委屈：「我揸車(要落車)咪撳鐘，咪落車囉，我就係話點解(富泰邨)無人落嘅。」
城巴：涉事特別車為配合嶺大迎新活動 以富泰邨為總站
帖文引發熱烈迴響，有屯門街坊表示該批學生誤會了該班為以富泰邨為總站的特別車，「因為成班人無睇另一張通告，去到8月29日都係用學校假期時間表，所以係無8:30富泰終點站嘅特別班次，司機大哥係啱架，佢原本係諗住繼續去下一站五柳路。」
「公告講明，特別車只限上課日，再講所有巴士資料係APP都查到，仲話自己係大學生，個學位都唔知係唔係呃返黎，成班文盲。自己7咗，仲咁大聲惡司機。」
網民又質疑現場疑似大學生情緒激動，影響車司駕駛可能違例：「關司機乜事。」「騷擾司機開車好大罪喎，呢位呀姐連落車要撳鐘咁基本都唔識，仲喺度嘈嘈閉。」「咁激動會影響行車，全部唔好走，報上台慢慢玩。」
城巴乘客須知列明：「請勿以恐嚇、辱罵或淫褻性的言語或動作，或以任何其他方式騷擾車長或車廂內之乘客，故意妨礙車長可構成犯罪。
城巴發言人回覆《星島頭條》表示，城巴正跟進一宗關於B3A號線的顧客投訴。初步調查顯示，事件發生於周二（8月26日）早上B3A號線的短途班次，巴士未有於富泰邨總站安排乘客下車。城巴已提醒車長，須留意此為配合嶺南大學新學期及迎新活動而增設的短途班次安排，以確保時刻為公眾提供優質且專業之公共交通服務，公司將避免同類事件再次發生。
來源：車camL(香港群組）＠facebook、tuenmunlocals＠Threads
同場加映：城巴車長勒令榴槤客落車掀法律爭議 帶榴槤唔准搭巴士？大律師指這情況下或違法↓↓↓↓
