港鐵不時呼籲乘客上落車時，要小心列車與月台之間的空隙。調景嶺站日前便發生一宗涉及婆婆叉錯腳被攝在罅隙的驚險事件，有網民直擊意外發生後，港鐵職員在場幫忙拯救的場面。詳情見下圖及下文：
港鐵調景嶺站婆婆叉錯腳 攝列車與月台縫隙倒地逐張睇↓↓↓↓
右小腿攝於罅隙動彈不得
樓主昨日（30日）在社交平台Threads以「香港🇭🇰」為題，上載短片發帖，指事情發生於「前兩日調景嶺站」。
片中見到一名穿黑褲的乘客，懷疑叉錯腳後倒地，右小腿攝於罅隙動彈不得，在場已有3名港鐵職員協助，不時提醒「慢慢」以安撫情緒，同場還有其他乘客從旁安撫和幫忙。
網民關心「點樣攝落去」
港鐵回覆《星島頭條》查詢時表示，「8月28日下午2時許，調景嶺站職員接報，往黃埔方向月台有乘客的腳被卡在月台空隙，職員隨即到場並提供協助，將乘客扶起。事件中，該名乘客並無受傷，亦無需送院」。港鐵另透露，涉事的是一名上年紀女子。
回應的網民都關心「首先係點樣攝落去」、「佢究竟可以點寨隻腳入去？」、「真心想知點做到？生活咗20年都未見過咁樣」。
相關閱讀：港鐵調景嶺站乘客叉錯腳小腿卡罅隙 職員出言安撫助脫困
網民自述叉錯腳經歷：朋友扯返我上嚟
另有網民留言自述同類的叉錯腳經歷：
•我之前細個嘅時候，都試過一嘢踩過隻腳落去，然後9秒9秒爬翻出嚟。
•我都試過踩咗入去，上嚟甩咗對鞋，笑死，send（傳） whatsapp同公司講會遲到嗰陣，manager（經理）都忍唔住笑。
•好多年前真心試過，有次架車開住門，我離遠聽佢嘟完咗好耐都未關門，我等朋友行到嚟先入。突然間ssiiii一聲關門！！！，真係突然，嚇到我一隻腳直插咗入去空隙，插到大脾位（個情況係右腳蹲喺月台，左腳直插無水花sip（攝）去到大脾）嗰下係車門＋閘門一齊關，好彩最後夾到我彈返開（可能我人夠厚）。
該名網民續指，「如果道門壞＋開車，我就破開兩邊變肉醬㗎啦，最後我朋友拿拿臨扯返我上返嚟，我呆咗咁笑，因為隻拖鞋好勁！無！甩！到！！！上到嚟，大脾外側瘀到光酥餅咁大，內側就係個排狗牙膠嘅一排刮痕，好痛！瘀咗成個月！」。
資料來源：jooohhhhnnnyyyy＠Threads
相關閱讀：港鐵扶手電梯「食」鞋 小童波鞋倒豎葱捱夾 網民疑一原因肇禍↓↓↓↓
去年底，有網民捕捉到港鐵扶手電梯「食」鞋一刻後的情景，一隻波鞋被倒豎葱式夾在扶手電梯上。↓↓↓↓
樓主：隻鞋攝住到企起咗
樓主早前在facebook群組「屯門友」以「隻鞋攝住到企起咗，好彩個小朋友隻腳冇咩事」為題上載相片。
相中見到現場為港鐵站大堂一扶手電梯頂部，白底的黑波鞋被倒豎葱式夾在扶手電梯上。事發後港鐵職員到場處理，而涉事小童被站在一旁的家長抱著，右腳沒有穿鞋露出襪子。
回應的網民估計「會唔會係小朋友對鞋太大」、「可能買大多半個馬啫」、「隻鞋唔單只係大，跟本就係大人碼。睇落對鞋係佢老母」、「就咁睇相都覺得小朋友對鞋太大，咁樣唔好話搭電梯，行路都好易kick到（揢到）」、「鞋超大，又冇後踭，小朋友不宜穿著，即使平常行路都有危險！正如標題所講，好彩個小朋友隻腳冇咩事，否則真係多謝家長！」。
港鐵扶手電梯食鞋逐張睇 ＋ 網民齊估肇禍原因↓↓↓↓
