有港女在港鐵香港站的銀行櫃員機（ATM）提款，她提取約10張紙幣，發現當中有一張500元紙幣竟然損毀不完整，缺掉的部分用膠紙接駁修補，情況罕見，港女其後聯絡涉事銀行要求更換，她表示連銀行職員亦「唔信櫃員機彈出嚟」。
涉事銀行：櫃員機鈔票有嚴格檢測
涉事銀行發言人回覆《星島頭條》表示，本行自動櫃員機提供的鈔票均通過嚴格檢測，已剔除殘舊鈔票，確保鈔票適合繼續流通使用。本行設有既定準則驗證殘損鈔票，包括鈔票的損毀程度、防偽特徵的完整性等，相關驗證時間及兌回價值視乎鈔票損毀情況而定。本行收到客戶查詢後，會儘快跟進處理。
發言人指，本行於8月19日收到相關客戶的查詢，經檢驗後，已於8月23日退還款項予客戶。
罕見！港鐵站ATM機撳到「不完整」紙幣 港女嬲爆：連銀行職員都唔信 最後咁處理↓↓↓↓
有網民在社交平台發帖表示「真係黑仔」，她在香港站的一部櫃員機提款，紙幣約有10張，「拎出嚟居然有一張$500係咁」。事主公開該張500元紙幣的實拍照，該紙幣竟為不完整，左下明顯缺掉了一些部分，缺失部分形如三角，並用透明膠紙接駁填補。
樓主表示，涉事銀行在居所附近有分行，她其後到該分行處理，她指櫃位的職員亦不相信櫃員機會出不完整爛紙幣，「（該職員）質疑我張銀紙」，「最主要佢唔信張銀紙喺櫃員機彈出嚟」。
樓主面對被質疑，「即刻發脾氣，叫佢搵人睇cam，又鬧邊一個入錢落嗰個櫃員機就一清二楚啦。」最後涉事銀行亦有更換有關紙幣，「做一輪手續又簽文件，要三個星期至到一個月，如果冇問題先可以入我戶口。」
網民：爛到咁點會入到食錢機
網民紛紛留言指在櫃員機取到「不完整」的爛紙幣，情況非常罕見：「爛唔緊要，但無咗角三角形，即唔完整。」「我有撳過啲咁錢出嚟，但冇你呢張咁爛。」
網民奇怪這種不完整的紙幣何以可通過銀行的檢查：「咁都入到機？」「爛到咁點會入到食錢機啊，呢張500好有問題，竟然可以係櫃員機出到……」
事主：係冇人信㗎，不過呢個係事實
樓主亦表示難以置信：「係冇人信㗎，連我自己後來發現都唔相信，不過呢個係事實。」她相信事件屬「個別例子」，但當時感到「激氣㗎」，尤其被銀行職員質疑時，「嗰一剎那係好㷫呀…因為佢質疑我嘛」。
有網民建議樓主若再遇同類情況，可以考慮「第一時間從櫃員機直接拿到CCTV前面，影住畀鏡頭影到張銀紙有問題」，樓主回覆說：「下次識做呀，係我自己失策冇第一時間check銀紙。」
來源：gonnietsang＠Threads
同場加映：存款離奇失蹤？！$12000經銀行存款機入數變無紀錄 港女：收據寫明收妥 苦追7日尋回銀行未解原因 金管局：要求銀行馬上跟進↓↓↓↓
