林家謙《White Summer》演唱會來到第四場，邀請鄧麗欣（Stephy）做嘉賓，兩人由大禮物盒中登場合唱《十分愛》，瞬間點燃全場氣氛。合唱後家謙難掩興奮，向Stephy坦言：「多謝你，我願望成真啦！我有個夢想就係可以同你唱《十分愛》呀！」Stephy好奇追問：「你之前提到細個嗰陣，細個係咩？而家講吓……」家謙回應：「我細個唱K成日唱呢首歌囉，今日終於同『行走』的單聲道合唱！」當Stephy笑問「細個即係幾歲？」時，家謙即超速轉數：「6歲就渴望愛情呀（《心急人上》歌詞）！哈哈哈，冇咁細，我唔係MC（張天賦）！」引發全場大笑。
林家謙與Stephy大講有味笑話
至於Stephy就多謝家謙早前為她寫了《戲一場》，「佢不單出嚟同我傾偈，又細心問我想要啲咩，又好快就寫好，個demo版本已經好好聽，我成日喺屋企J首Demo，而家都係我個playlist到！」家謙受寵若驚：「吓？Stephy J我嗰啲……嘩！咁好，多謝多謝，受寵若驚，可以寫上Wikipedia，畀Stephy J我啲歌！」Stephy笑問︰「咁下次再多多合作啦。」家謙幾乎係即刻答應：「得呀！我咃合唱都得。」之後再合唱《心急人上》，將現場變成大型卡拉OK現場，家謙笑言：「呢首都係我童年回憶，以前同表姐們喺K房一定會關燈跳唱呢首歌呀。今日表姐佢哋都有嚟呀，叫埋佢哋一齊跳，哈哈……」Stephy則笑道：「我就係想睇你跳舞！上次你紅館演唱會，我有來睇呀！你啲舞蹈，真係睇到我『嘩嘩』聲，哈哈哈！」
新歌《戲一場》畀Stephy「J」！林家謙嗌受寵若驚。
林家謙話請到Stephy合唱《心急人上》是夢想成真。
林家謙孖Stephy唱《心急人上》諗起表姐！
林家謙演唱會第4場有Stephy做嘉賓。
林家謙《White Summer》演唱會來到第四場。
林家謙合共十場紅館演唱會《White Summer》於本月19日開鑼。
林家謙、Stephy唱《十分愛》。
Stephy對林家謙笑道：「你上次紅館演唱會，我有睇呀！你啲舞蹈，真係睇到我『嘩嘩』聲！」
林家謙稱︰「White Summer係突然間係酷熱天氣，下一秒係雷暴，跟住黃紅黑雨，又十號風球又冰雹，夏天就係咁豐富，好似人生。」
林家謙為Stephy創作《戲一場》。
Stephy十分感謝林家謙的「快手」，為她創作《戲一場》。
Stephy多謝家謙早前為她寫了《戲一場》，「個demo版本已經好好聽，我成日喺屋企J首Demo！」
林家謙、Stephy大講有味笑話。
