一名女子早前獨自在港鐵站月台候車時，懷疑被一名黑衣男子打背脊，由於之後出現一反應以致擔心遇上了「迷暈黨」。網民則憑相片認出這名黑衣怪漢，並能清楚指出他的特徵。詳情見下圖及下文：
港鐵站等車疑遇迷暈黨 港女遭打背脊後驚現一反應 網民認出黑衣漢古怪特徵逐張睇↓↓↓↓
樓主：佢勁大力打我背脊
樓主上月在社交平台Threads上載港鐵荔景站月台上一名黑衣男子的相片發帖，留言指「實時，我而家好Ｘ驚，見到好多人講有人俾人捉住落藥。我啱啱喺葵興站等車嗰陣俾佢勁大力打我背脊，然後我上咗車諗住荔景站撇甩佢，點知佢跟住落車係咁喺我附近徘徊」。
及後在回應欄，情況已安全的樓主上載電子報案的證明，並回應網民提問——
•網民：你而家無事吖嘛？有無見頭暈啊？
樓主：好彩直到而家我都無暈、唔知心理影響生理，定係真係有事，有啲唔係好俾到反應個frd（朋友）。
•網民：無啦啦咁大力俾人打，你都唔搵人幫手嘅，應該都幾痛！？
樓主：嗰陣stone（石頭）咗，唔識俾反應。
•網民：日光日白，你跟住佢全程影住佢，佢自然識驚。
樓主：佢好高好大份，我唔敢你睇我正面都唔敢影。
•網民：好似我上次喺元朗搭西鐵見到嗰個！佢係咪周身郁企唔定㗎？
樓主：係！
網民：我諗係同一個，希望港鐵職員可以留意下佢。
•有於翌日留言回應的網民指：我今日都喺荔景站見到呢條友，我落車佢上車，面對面嗰陣佢行埋嚟一Ｘ嘢拍我手臂。我「喂」佢，佢無反應，我男朋友喺隔籬好大聲「喂」多次，佢眼尾都唔望我哋就上咗車。
樓主：可能你哋兩個人佢無繼續，我嗰陣得一條友…勁驚…
相關閱讀：「迷暈黨」新招誘苦主埋身 大舉入侵元朗大埔？事主：過一條馬路遇到3個
網民曾遇黑衣漢 情節充滿戲劇性
接著有網民接連提到曾遇上這名黑衣漢，而且情節充滿戲劇性：
•呢個人我喺幾個月前機場見過佢，我聽到佢勁大聲用普通話講電話，佢喺大陸落嚟走佬嚟香港，話俾公安捉，之後話諗住飛去韓國喎…
•呢個人係噚日喺（韓國）濟州被「送」返香港，噚日同佢同一班機返香港，佢坐最後座唔准離開座位，由上機前到落機後都有一個專人escort（護送）佢。
•呢個男人，我喺荃灣西見過兩次，第1次KFC（肯德基），自己企喺收銀附近食非KFC食物，身上一股勁臭氣味，等緊外賣已經遠離佢。第2次惠康門口，又係食緊嘢，衣著完全同樓主張相一樣，永遠揹住大背囊+黑長衫黑褲，大家真係小心。
相關閱讀：旺角迷暈黨疑雲以中獎獎券為餌？事主街頭遇「熟人」寒喧遇險 網民疑另有企圖
網民分享遇迷暈黨經歷
另有不少網民曾親身遇上，或親友遇上懷疑迷暈黨，也慷慨在回應欄分享：
•朋友中過迷暈黨，佢用盡最後嘅力跑入鋪頭叫佢幫手打999。大家feel（感覺）到有唔妥要用盡力去多人地方求救。
•好耐以前喺深水埗行街試過俾個男人突然捉住再對我噴氣，嚇到我暈下暈下咁即跑去同朋友講做咩扔低我，好彩最後無事，得個下少少暈。
•我想話我好細個嗰陣，30年前，小學嗰陣，我媽有講過佢遇過呢啲大陸婆，就係咁落藥，佢暈一暈好彩佢無事堅持回家。
•真係要小心吖，我阿媽以前都中過招，30年前到，喺大陸俾人打咗下膊頭，之後就完全唔知發生咩事！攞晒啲錢同埋黃金鏈俾唔知邊個，仲走去問我婆婆借錢。
•同以前拍人膊頭或者背脊問人「你著咩size（大小）衫」係咪同一招？以前銅鑼灣東角勁多呢啲人。知道呢啲係迷暈黨，佢問我一句，我閉氣即刻走。的確心跳好快，少少頭暈。唔知係咪心理作用，我即刻去商場搵個廁所坐底打電話俾屋企人救求，再洗手洗面…
相關閱讀：「迷暈黨」疑殺入將軍澳 專揀單身男落手 網民爆受害經歷感覺似……
•諗返起我幾個月前都試過，有次放學搭地鐵返屋企，架車關門嗰陣有個阿叔衝入嚟，然後好大力拍咗我膊頭一下，當時我已經即刻縮開，不過車廂太多人走唔到去第二度。然後我搭咗幾個站已經feel（感覺）到成個人好攰同埋有啲頭痛，即刻企咗去車門旁邊挨住休息吓，雖然最後都無事可以返到屋企，不過第二日即刻大病一場，發燒同埋不停流鼻水。
•兩個禮拜前都發生咗同樣嘅經歷，嗰陣時搭地鐵去佐敦站返拳館，臨近E出口有個妹妹仔個樣大概14至16歲睇我行過佢隔籬，突然之間新隻手出嚟捉住我件衫，我下意識甩開佢然之後問佢想點樣。佢同我講話無錢，幫佢買車飛返深圳，然後仲慢慢行近我。我feel（感覺）唔對路同埋佢身上嘅咁奇怪嘅氣味，不過好彩我有同佢保持差米五至米八距離，最後我同佢講唔好意思不如你去客務中心搵人幫你，之後就即刻掉頭走。
資料來源：ashhuuu_quietk＠Threads
相關閱讀：港女皇崗口岸疑遇迷暈黨 三度碰面企到好埋 一除口罩由頭暈到尾↓↓↓↓
有港女在皇崗口岸疑遇迷暈黨，她三度碰到一名男子「企到好埋」，向她借WIFI，不斷向她問問題，女事主覺不對勁「調頭走」，上到車一除口罩，即「由頭暈到尾，差啲倒地」。女事主表示：「如果我唔係戴咗口罩，同有啲警覺調頭走，應該畀人攬咗上車。」以下為事發詳情↓↓↓↓
