李佳芯（Ali）與李思捷日前出席保健品牌派對活動，2人大開金口獻唱，吸引在場數百位貴賓蜂湧到台前拍照，掀起高潮，Ali的唱功明顯大躍進，現場興奮狂呼Encore。
離巢後選擇自組工作室
以一身粉紅色背心短裙上陣的Ali大曬長腿，仙氣十足，甫出場已掌聲如雷。對於離巢後選擇自組工作室，Ali在台上分享走入人生新階段的心情：「每一次踏入新階段，都會有自己打擊自己嘅聲音，呢啲時間我會不斷鞭策同認識自己，努力計劃下一步點做；以前只係演員身分，淨係演戲，好幸福，但而家要兼顧好多嘢，大至將來計劃，小至工作室Logo都要自己設計。」
Ali出席活動時大開金口獻唱。
Ali的唱功大躍進，現場興奮狂呼Encore。
Ali以一身粉紅色背心短裙上陣，大曬長腿。
好Sweet啊！
李思捷亦有出席活動。
對於離巢後選擇自組工作室，Ali表示現在要兼顧好多嘢。
李佳芯、李思捷
Ali近來學會打機放鬆
Ali同時亦分享健康心得，提到她最近素顏出Post被網民激讚狀態極佳、似足中學生，Ali大笑直言：「我都係盡量Keep，因為每次開工都要不停化妝，又冇得休息，壓力好大，皮膚會出現敏感，所以只可以喺冇嘢做嘅時候盡量做運動。加上飲食清淡啲，食啲營養補充品，同埋逼自己多飲水排毒。」她認為保持好心情亦很重要，以往一開工拍戲便會全程投入、腦海不停思考角色，導致壓力很大，而從來不打機的Ali近來學會打機放鬆、平衡情緒。
Ali在唱歌方面下苦功
期間Ali現場獻唱《終身美麗》，表現淡定、唱功大躍進，贏盡全場歡呼。問她最近是否苦練歌藝？Ali坦言一直有在唱歌方面下苦功：「我會唱K練習，再要身邊人畀評論，收集唔同意見令自己進步。」Ali大方笑稱被網民冠上「魔音」稱號之後，專誠找了唱歌老師指導，「我覺得自己嘅天賦未必係唱歌，咁不如學下，睇吓自己學唔學得識。頭先喺台上感受到最大進步係個人淡定咗好多，因為以前上到台會驚到聲都震。」
