「身邊有無人中過六合彩頭獎二獎？」這問題，相信是不少買六合彩博刀仔鋸大樹小市民打從心底的提問。
樓主早前在社交平台Threads發帖查問「大家身邊有冇人中過六合彩？身邊朋友、屋企人買咗咁多年，除咗聽過人中過三獎，完全未聽過人哋中一、二獎，定係大家中完都收埋唔講，到底有冇人成功中過？」。
有網民回應時反問「到你仲頭獎，會唔會周街通知人？」，樓主坦言「唔會周街，但應該屋企人同好朋友都會講」。接著，留言的網民爆出不少驚喜答案，當中側面透視了幸運兒中六合彩頭獎和二獎後的生活狀況，更有人甚至揚言曾中過7000萬元巨獎，且大方自爆現狀。詳情見下圖及下文：
身邊有無人中過六合彩頭獎二獎？ 有網民揚言中過7000萬自爆近況逐張睇↓↓↓↓
網民驚喜答案逐個睇
•網民A：我媽同事中過頭獎。我還以為是都市傳說，真的有人會中。
樓主：真，咁多年身邊最多都係中過三獎，開始思考到底係咪真係有人中。
•網民B：身邊有人好多年前中過！仲要中過兩次！
樓主：好勁…佢平時係咪都好好運？一獎／二獎？
網民B：頭奬！佢平時都唔係好好運不過不失咁啦！只係佢一段唔係相隔好遠嘅時間中兩次！只係嗰段時間比較好運！身邊冇人中過都唔係好出奇！因為佢都有30幾年前中！中完之後佢都有keep（保持）住買返嗰啲號碼，到今時今日都未再中過就知有幾難啦！
網民C：係咪有做返啲善事佈施？人哋話中頭獎唔可以自己袋晒，會有意外受唔起。
網民B：都冇話特別做好多善事！最多咪嗰啲水災同嗰啲歡樂滿東華捐下少少錢！同埋好似嗰年新年派利是俾親戚朋友大大封散緊啲！
•網民Ｄ：我老豆中咗六合彩頭獎，仲係我出世嗰年，所以好錫我，但老豆喺我4／5歲時花心溝女同阿媽離咗婚…最後玩女冇晒啲錢，10多年前老豆過身後執遣物，搵到張黑白影印馬會支票好多個零，但唔記得幾錢。已經燒返俾老豆。
•網民E：有，我個朋友話佢細個嘅時候老豆中過，但係之後就玩女人同阿媽離婚，然後失咗蹤10幾年嚟都冇再聯絡過。
相關閱讀：連中3次六合彩袋近$6萬 幸運兒分享神奇報夢經歷 自爆去呢間投注站落注
網民：同學屋企人中咗 買貝沙灣
•網民F：以前讀緊中學個同學屋企人中咗，之後買咗貝沙灣，然後F.5（中五）就去咗外國讀書，之後就唔知啦。改寫人生。
•網民G：多年前我去馬會買兩張電腦飛，我抽先，1人1張，Ex（前度情人）中過二獎，整定。
•網民H：有，小學同學當時住村屋，佢樓上。中咗，全家即刻移民加拿大。
相關閱讀：出租車司機六合彩「借運」大法 每轉車請客人幫忙做一事後中咗幾次獎 網民：有同事都係咁做中三獎
網民：髮型屋老闆夾份中咗頭獎 買咗西半山豪宅
•網民I：我識得唔止一個親戚朋友中過，但唔係頭奬，十幾萬至幾萬咁上下。有中獎運嘅人好多本身都已經財運好，例如做生意、有樓收租之類。另外家庭都係正常完整，冇小三冇出軌，正經人。
•網民J：有朋友鄰居中過6900萬頭獎。
•網民K：髮型屋老闆20年前夾份中咗頭獎，佢仲留低咗張報紙俾我睇！之後佢買咗西半山豪宅，層樓現在億億聲。
•網民L：好多年前識人阿爸阿媽中咗100萬咗右，用嚟喺大陸起咗幢樓收租。
相關閱讀：《愛回家》奇蹟貼中六合彩！劇情攪珠撞中多個號碼 網民跟買贏錢
網民自爆：我曾經中過7000萬…而家住喺……
•網民M：我曾經中過7000萬…而家住喺錦綉花園，仲有兩套荃灣租緊俾人哋，衣食無懮…啲人以為打工去發達，以前冇咩親戚…自從買咗樓之後，你没有錢的時候没有誰會認識…有錢了之後親戚好像變多了…連之前唔太好我嘅嗰啲人都話我年少有為。有錢乜嘢都係真情…冇錢，識你老鼠 。
網民M續稱「我覺得人生一定要有第一金。好似我咁樣而家大把錢…如嗰唔中嘅話，我到而家都係一個打工仔，唔好話多，100萬。可能一世都冇可能，完成唔到」。
資料來源：purpleyes_con＠Threads
相關閱讀：中$80萬六合彩二獎 幸運兒傳授落注心得 現身講6個字感受↓↓↓↓
去年有打工仔中六合彩後疑炒老闆魷魚，豪派一人一盒網紅葡撻作散水餅，如此好彩數加上大手筆，當時有神通廣大的網民於是大膽猜測，派餅人會否是在網上自爆中80萬元六合彩二獎的幸運兒？
事情是否真的啱啱遇著剛剛，派撻人咁啱得咁橋正是80萬六合彩二獎得主？二獎幸運兒本尊回覆《星島頭條》查詢時，親自解開豪派散水餅謎團……表明派餅人「不是我」，並以6個字透露了難得中獎的心情，更在facebook群組「齊齊研究六合彩！」的回應欄內慷慨傳授落注心得↓↓↓↓
