有網民在沙田一間連鎖藥房買藥，藥價160元，以電子支付付款卻被店員誤碌4200萬元，事主即場發現被收「天價」，他表示當時「職員都呆咗」。
事件引發熱議，部分網民亦出帖表示，遇過同類事件，被誤碌天價收費，有人亦曾被誤收3千餘萬元，涉事藥房其後在網上公開事件的原因。
涉事藥房有回應！沙田連鎖藥房買$160藥被碌$4200萬 疑1原因出錯最後咁收科↓↓↓↓
有網民在社交平台分享在沙田一間連鎖藥房購買藥物，價值160元，他以電子支付方式付款，但「碌卡嗰陣話交易失敗」，他感奇怪於是「打開手機望咩事，一打開，4000幾萬」。
被收$42,695,209.52 事主：好彩夠窮
樓主附有支付交易記錄的截圖，看到當時被收取4千2百餘萬元，實數為：$42,695,209.52，金額更有小數點位。由於該金額遠遠超過支付限額，因此顯示「被拒收」。職員其後更正銀碼，截圖可見其後成功收取160元金額。
樓主在帖文中以Hashtag表示當時情況及心情：「#我買藥啫唔係買鋪呀」「#d職員都呆咗」「#想呃我4000萬！？」「#$4000都冇呀」。樓主在回覆留言時又幽默地說：「好彩夠窮。」「好有大志，呃一個就夠。」「4000萬入藥。」
網民於涉事藥房曾遇同類事件：被收3800萬
帖文引發熱烈迴響，有網民斥被誤收天價金額「好離譜」，部分網民亦透露曾在涉事連鎖藥房其他分店支付時，亦同樣被收取天價金額，有網民截圖分享曾被誤收3800餘萬元，另有網民說：「我都試過要畀$310，佢碌咗我$888,999，仲夠膽收我overlimit charge。」有網民表示「我上次又係咁，不過成功過咗數」。
有網民表示幸好金額為天價才不會成功被改數：「如果佢係㩒錯4千幾蚊，就可能唔會即時發現了。」
網民籲長者小心：嘟之前望吓銀碼
網民奇怪出錯收取天價的真正原因，最多網民估計是「入錯barcode當價錢」，樓主亦認為「呢個係唯一解釋」，不過，有網民以天價銀碼向AI查詢，發現該「barcode」貨品為「IMC美國骨膠原關節寶 60粒裝」，並非樓主當日購買的藥物。
有人認為會否因為「入咗你信用卡號碼」，樓主認為不可能，因為他用電子支付，「Apple Pay使鬼畀卡佢咩」。有網民相信可能是「個咭機傻咗」，該網民親身經驗試過「碌$400顯示都係$400，但declined，但個客收msg係$40000，Declined張單都係$400」。
涉事藥房其後在帖文留言回應解釋店員誤收天價的原因，該藥房表示，收款的操作流程「係收銀同事先按『確認』鍵，再拍員工卡核實交易金額」。但是，若收銀員工無按「確認」而直接拍員工卡，「個銀碼就會變咗員工卡背後嗰組8至13個位嘅虛擬卡號」。因此，估計今次事件是員工在收款時誤入員工卡號碼所致，涉事藥房表示：「我哋會俾返呢個Post同事睇，希望以後佢唔會再咁唔小心，抱歉。」
有網民提醒電子支付時，要小心看核對支付金額，「所以無論係嘟八達通或者信用卡之前，真係要望吓個銀碼，尤其是要教啲老人家，佢哋真係唔睇就嘟落去。」
來源：ching_man_oppa＠Threads
同場加映：深水埗伯伯突暈倒後腦著地 藥房老闆一包紙巾「咁做」救命 網民激讚：明智之舉
