一位大媽早前被發現帶同多個疑似生日會用的金屬氣球硬闖港鐵銅鑼灣站，遭職員攔截時懷疑在小朋友面前發爛渣。有留意事件的網民爆出了更離譜的氣球前傳。詳情見下圖及下文：
大媽帶10金屬氣球硬闖銅鑼灣港鐵站 遭攔截仔女面前發爛渣逐張睇↓↓↓↓
樓主：有工人跟住
樓主昨日（27日）在社交平台Threads上載相片發帖，指有「港媽大鬧地鐵站，帶10幾個金屬氣球入站，俾人周到發爛渣，仲要喺自己啲仔女面前做壞榜樣，真心係咪第一次搭地鐵未聽過咩叫『請勿攜帶金屬氣球進入車廂』」。
樓主並在回應欄補充，女事主操「純正廣東話加有工人陪」、「人哋有工人跟住，又純正廣東話」；有網民更加留言「如果無認錯人，我識呢個女人係做marketing mgr（市場經理）㗎喎，記得佢有車應該唔使坐地鐵㗎喎……」。
相中見到女事主攜帶的金屬氣球有不同造型，包括巨型禮物、插有蠟燭的巨型蛋糕，另附有幾粒大星星。氣球被抱起時，幾乎觸及大堂的天花板。
相關閱讀：乘客推大雪櫃搭港鐵 竟成功落到月台 職員攔截手勢成焦點
網民疑似目擊事件前傳
回應的網民都附和樓主的批評，直指這做法「好危險」、「常識呢！？」、「坐的士喇」、「詐黐扮傻啫」、「Call Van（叫客貨車）啦」、「無知真係幾可怕」、「無知已經衰，仲要人品差」、「佢新嚟㗎？地鐵不嬲唔俾帶金屬氣球㗎～」。還有人估計「呢啲係咪參加完Party（派對）攞人啲波走嗰啲媽咪呢？」，有也有人好奇「想知之後點……」。
說著，有網民留言查問現場「係咪銅鑼灣？」，接著自爆「今日（27日）推輪椅等升降機，部𨋢俾好多氫氣球霸佔住，等咗3轉先有吉位入𨋢」，疑似目擊氣球事件的前傳。
相關閱讀：港鐵大媽搬巨櫃封半邊車廂 超離譜畫面震驚網民：不可思議
港鐵：金屬氣球可能引致跳掣影響行車
攜帶金屬氣球乘搭港鐵屬危險行為，港鐵車站不時發出廣播，提醒乘客「嚴禁攜帶金屬氣球進入車站或車廂」。2016年7月29日，便有金屬氣球殘留物觸動「跳掣」，令港鐵東鐵線受阻3分鐘。
根據《港鐵附例》第28I.「危及鐵路運作的飛行物體」，「任何人不得致使、准許或容受任何風箏、氣球、模型或其他物件飛進、飛過或越進、越過鐵路處所的任何部分，包括任何鐵路隧道，或飛入、飛行於或越入、越於鐵路處所上空的空間或架空線以致會危及鐵路的正常運作」。
港鐵的《日日安全搭港鐵》小冊子提到，切勿攜帶金屬氣球進入港鐵範圍；機電工程署網頁亦有稱，乘搭港鐵時切勿攜帶金屬氣球進入港鐵範圍。港鐵還曾在facebook專頁上載「接觸到鐵路綫嘅高壓電纜而焦黑咗嘅金屬氣球」的相片發帖，「提醒大家切勿攜帶金屬氣球入車站，因為佢哋可能引致跳掣，影響行車」。
資料來源：wing_ching234＠Threads
相關閱讀：港鐵「運貨黨」床褥高過人照搬 以為咁做就過骨？ 直擊攔截過程 職員突蹲下做一事↓↓↓↓
「運貨黨」違規進一步挑戰港鐵貨運能力，今年6月12日猖狂搬一張比成年人還要高的床褥落石峽尾站大堂，結果遭港鐵職員圍截，過程還被其他路過的乘客拍下。攔截期間，職員突然蹲下做一事，獲網民大讚「做到嘢」↓↓↓↓
