太古城一名大媽早前在超市放肆揀蛋，被批評逐隻攞嚟睇都唔夠，網民更因為一舉動相當看不過眼。有鑑於此，有精明的消費者慷慨地提供了一個必然買到靚蛋的不敗妙法。詳情見下圖及下文：
太古城大媽超市放肆揀蛋 逐隻攞嚟睇都唔夠 網民因一舉動看不過眼逐張睇↓↓↓↓
樓主：成盒蛋反轉睇都唔夠
樓主本月18日在facebook群組「太古人太古事」上載相片，指大媽「成盒蛋反轉睇都唔夠，跟住佢仲要逐粒逐粒蛋攞出嚟上下方向睇。最PＸ係佢睇完第一盒攞過第二盒再睇，最終佢要咗第二盒」，並認為應用膠紙封住個盒，避免大媽「咁放肆」。
根據樓主的描述，有網民批評大媽的做法「好過份喎」、「真係無公德」，形容對方為「斯文敗類」、「以為自己有個臭錢就大Ｘ晒」。由於「面斥不雅」，應「即同經理投訴」、「舉報俾超市聽，貼相出嚟啦」。
另有人體諒地指，大媽有可能患「強迫症。通常係焦慮引致的，可能係之前買過爛蛋」。但有人始終認為「檢查有無爛無問題，揀蛋換蛋就正Ｘ街」、「見到呢啲真係要講出嚟，我都好憎呢啲人，佢揀過晒，人哋仲使買嘅」。
黑仔網民一盒蛋爆4隻
於是有網民附和指「（揀）香蕉先癲」、有人買橙時「執一大籃再在另一邊慢慢逐個鍊逐個揀都有喇」。還有人稱「膠紙封我唔敢買，驚有爛……買透明盒嗰啲日本蛋」。接著有黑仔網民呻爆，買蛋時曾試過一盒爆了4隻，詳見以下對答：
•網民甲：明嘅，我試過返到屋企爆咗4隻，話就話有得換，但我要喺上康再行番落去再上番去，好辛苦。
•網民乙：咁唔代表可以咁揀法，你都唔想你買嘅蛋係俾人摸均晒就棄貨啦。
•網民甲：我意思唔係話佢啱晒，只是明白佢點解會咁。
•網民丙：你呢盒好可能就係俾人哋換晒啲爆咗嘅落去囉，換啲好嘅入自己嗰盒度！如果唔係一盒好少有爆4隻咁多！
•網民甲：唔止1次，所以我只買透明盒，透明盒見間中都有爆，但買時睇到。
相關閱讀：沙田長髮女擅開包裝揀蛋 調來調去、摸來摸去 被發現後竟然咁反應
網民提供買靚蛋不敗妙法
有鑑於此，有醒目的網民於是慷慨提供一個既折衷又能確保必定買到靚蛋的不敗妙法——「買雞蛋和袋裝水果，我會俾完錢現場檢查，無問題就入袋，有問題即換貨」。
資料來源：Michelle Tsui＠facebook
相關閱讀：超市貴氣婦人以貌取蛋？ 擅開包裝係咁搖 網民嬲嬲：俾個燈膽佢照下↓↓↓↓
顧客在超市買蛋時拆盒調換靚蛋的短片不時在網上流傳。一名穿露背連身裙、打扮貴氣的婦人之前在超市買蛋時，便被拍攝到懷疑擅自打開蛋盒調包，實行以貌取蛋，雞蛋隻換隻↓↓↓↓
