(曾智華)
玩殘人，係咪好衰呢？
正常情況，玩殘人真係有點衰。但若對方是「城市垃圾」，咁玩殘佢，就是執行正義，為社會掃清街道，令善良市民安居樂業，重過正常生活，唔使頂住度氣。
大家可記得去年花墟有一對中年夫婦，男的光頭，女的孖辮，將檔口的花擺到出晒門口不止，更阻住隔籬大廈出入？
正因食環署官員抱著息事寧人心態，於是助長呢對夫婦越來越離譜。被阻大廈居民見投訴無門，唯有向傳媒申訴，攝影隊拍攝時，惡人夫婦不單未有收斂，反之囂張爆粗，問題在食環署人員愛理不理。
終於事件搞大，警察到，警員搞唔掂，也畀夫婦寸到飛起，於是報告大Sir。白恤衫阿Sir到，夫婦在新聞鏡頭前仍巴巴閉，結果\u22ef\u22ef當場點收科唔重要，重要是警隊最高層睇到新聞，當然拍\u67b1，立即安排掃場，不止掃一間，指令全部花墟檔都要整整齊齊擺在合法地方。從此成條街整潔晒，人人行得舒服，「惡夫婦」變過街老鼠。
好\u561e，講返標題條「排骨仔」，大家早幾日在網上及報章都見佢鋪囂張法。將車房門口的錶位私有化，人\u54cb拍就又圍又兇，並粗口爛舌問候全家兼似乎想郁手。奇在報警後，警員只以「爭執」處理算數。
呢段新聞一出，觸動不少人神經，因香港實在有太多錶位畀人霸住，又用雪糕筒又用\u6ac8仔，總之就在宣示——個位我\u5605。警員行過多視而不見，市民看在眼\u88cf，早已滿腔怒火，但警察唔理，我點理？
好\u561e，如今出\u5497個離晒大譜\u5605「排骨仔」，若警方仲唔「做\u5622」，必畀市民喝問——家陣係咪夠惡就大晒？有紋身就可隨意恐嚇人而冇人理？
大Sir，一於合法地玩殘條友啦。
